افغاستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین قندوز ولایتی اورین باسری حرمتلی مولوی حبیب رحمان صهیب، عمری ۲۱۷ قول اردو ارکان رییسی حرمتلی قاری شفیق الله وثیق و باشقه بیر قطار مجاهدلر بیلن ملاقات قیلدی.
بو اوچره‌شووده ببرینچیدن ولایت اورین باسری حرمتلی مولوی حبیب رحمان صهیب و عمری ۲۱۷ قول لردو ارکان رییسی حرمتلی قاری شفیق الله وثیق نوبت بیلن گپیریب، ولایت نینگ امنیتی،اجتماعی و اقتصادی وضعیتی توغریسیده ریاست الوزراء اداری اورین باسریگه معلومات بیردیلر.
اولرنینگ کوپه‌یتیریشیچه، اسلام امیرلیگی نینگ مسووللری همده مجاهدلر مردم قیینچیلیکلریگه ایریشیش و اولرگه خدمت قیلیش اوچون همیشه سعی و تلاش قیله‌دیلر و ولایت نینگ اهالیسی هم محلی مسووللر بیلن هر دایم همکارلر.
ایریم بولیملرده اسلام امیرلیگی نینگ قولگه کیریتگن یوتوقلریگه اشاره قیلگن اوشبو مسووللر مجاهدلر وضعیتیگه اعتبار قره‌تیش، تعلیم و تربیه، ساغلیقنی سقلش، قتناو یوللر قوریلیشی و لایت ده ترقیات پروژه‌لر تطبیق ایتیلیشی خصوصیده جدی توجه قیلیشنی ایسته‌دیلر.
افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی قندوز ولایتی محلی مسووللری بیلن اوچره‌شگنیدن خرسندلیک قیلیب، افغانستان عزیز ملتی خصوصا قندوز ولایتی دین عالملری و مجاهدلرین اشغال برابریده‌گی کوره‌شده‌گی رولینی یوقاری بهاله‌دی.
ریاست الوزراء اداری اورین باسری، اسلام امیرلیگی وطنداشلرگه یخشی خدمت کورسه‌تیش، مملکت آبادانلیگی مقصدیده پروژه‌لرنی یولگه تشلش و مردم نینگ قیینچیلیکلرینی برطرف قیلیشنی اوزی نینگ مسوولیتلریدن بیلیب بو توغریده بوتون کوچ و قوت بیلن تلاش قیله‌دیلر دیب قوشیمچه قیلدی.
ریاست الوزراء اداری اورین باسری اولر تامانیدن بیلدیریلگن پیشنهادلر حقیده اسلام امیرلیگی قولده‌گی امکانیت بیلن ایسله‌تیلگن موردلرگه لازم چاره تدبیر کوره‌دی دیدی.#
