بسم الله الرحمن الرحيم
الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده ﷲ فلا مضل له ومن يضلل فلا هادي له وأشهد أن لا إله إلا ﷲ وحده لا شريك له وأشهد أن محمدا عبده ورسوله.
اما بعد: قال الله تبارک و تعالی: قُلۡ اِنَّ صَلَاتِیۡ وَ نُسُکِیۡ وَ مَحۡیَایَ وَ مَمَاتِیۡ لِلّٰہِ رَبِّ الۡعٰلَمِیۡنَ ﴿۱۶۲﴾ لَا شَرِيكَ لَهُۥۖ وَبِذَٰلِكَ أُمِرۡتُ وَأَنَا۠ أَوَّلُ ٱلۡمُسۡلِمِينَ (۱۶۳) سورة الانعام.
صدق الله العظیم.
عزیز وطنداشلر، اسلام امیرلیگی نینگ مجاهدلری و بوتون جهان مسلمانلری؛
السلام علیکم ورحمت الله وبرکاته
دستلب برچهنگیزگه عید سعید اضحی (قربان هیتی) نینگ ییتب کیلیشینی قوتلوغلهیمن، هییتینگیز مبارک بولسین!
الله تعالی برچه مسلمانلر نینگ قربانلیکلرینی، هیت نمازلرینی، دعالری، صدقهلری و ایزگو عمللرینی اوز بویوک درگاهیده قبول ایلهسین. اینیقسه، بو ییل بویوک حج فریضهسینی ادا ایتیش اوچون بیتالله شریفگه بارگن مسلمانلر نینگ حج، عمره، طواف و برچه یخشی عمللرینی الله تعالی قبول قیلسین؛ همده اولرنینگ دعالری برکتی بیلن مسلمانلر نینگ حاضرگی قینچیلیکلرینی کوتاریب، اونینگ اورنیگه بوتون اسلام جهانگه خیر و برکت یاغدیرسین. آمین یا رب العلمين.
عزتلی آغه اینیلر!
حج فریضهسی ادا ایتیلهیاتگن، عید سعید اضحی و قربانلیک مراسمی اوتکزیلهیاتگن بو کونلر اوزیده کوپلب پیاملرنی آلیب کیلهدی. هر ییلی جهان نینگ تورت تمانیدن میلیونلب مسلمانلر مبارک حج فریضهسیده قتنشهدیلر؛ اولر ملت، مملکت، تیل و رنگ فرقسیز روشده الله تعالی نینگ حضوریده بیر صفده ایاققه تورهدیلر. بو مسله بیزگه شوندهی پیام بیرهدیکی: مسلمانلر یگانه ذاتگه (الله تعالیگه) ایمان کیلتیریشگنیدیک، بیر پیغمبر نینگ (محمد صلی الله علیه وسلم) امتی دیرلر و بیر کتابنی (قرآن کریم) قبول قیلووچیدیرلر. شوندهی ایکن، حیات نینگ برچه بولیملریده اتفاقلیک و اتحاد اصلینی نظرده توتیشلری کیرهک. حاضرگی وقتده مسلمانلر نینگ کوپلب قیینچیلیکلری و ناملایملیکری بی اتفاقلیک و خودبینلیک دن کیلیب چیقماقده. شونینگ اوچون، اوی و قیشلاقدان باشلب، مملکت و جهان بویلب برچه مسلمانلر نینگ اتحاد، اتفاق و همکارلیک اصلینی نظرده توتیشلری همده اوزلرینی خودبینلیک، نفرت و حسد قولیدن حمایه قیلیشلری مقتضا دیر.
شونینگدیک، قربانلیک وجیبهسی اورتاغیمیزده حق یولیده ایثار و فداکارلیکنی تیریك سقلشی کیرهک. خوددی حضرت ابراهیم علیه السلام اوز فرزندی اسماعیل علیه السلام نینگ جوده کته اخلاص و فداکارلیک بیلن الله تعالی نینگ رضایلیگی اوچون قربانلیک میدانگه حاضری قیلگنیدیک، هر بیر مسلمان هم الهی احکاملرنی اوز جانی، اولادی، مالی و شخصی خواهشلریدن یوقاری و مقدم بیلیشی کیرهک؛ قچانکیم دین اوچون قربانلیک قیشگه ضرورت توغیلسه، تولقین اخلاص بیلن فداکارلیک میدانگه حاضر بولیشی لایق.
اسلام امیرلیگی نینگ عزتلی مسئوللریگه!
هییت کونلریده بو امکانیتدان یخشی فایدهلنیشینگیز و تیگیشلی حدودلرینگیزدگی شهیدلر عایلهلری، معلوللر و یتیم لر نینگ احوالیدان خبر آلیشینگیز ضرورت دیر.
شونینگدیک، عامه خلق بیلن اوتکزیلهدیگن ییغینلر و کینگشلرده اولر نینگ مصلحتلرینی، شکایتلرینی و قیینچیلیکلرینی تینگلشینگیز کیرهک، تا بولسینکیم اوزینگیزنی و ایشلرینگیزنی اونگلش اوچون اوندن فایدهلنسینگیز. افغانستان اسلام امیرلیگی نینگ اخلاص، مهربانلیک و دلسوزلیک پیامینی عامه خلققه ییتکزیب، اولرگه بیز سیزلر نینگ دنیوی و اخروی منفتلریزنی انگلشلرینگیز اوچون بوتون کوچ-قوتیمیز بیلن حرکت قیلیشیمیزنی ایتینگلر. الحمدلله مملکتده شرعی احکاملر جاری قیلینگن، امنیت تأمینلنگن و وطن نینگ آبادانچیلیک ایشلری دوام ایتماقده؛ سیزلر نینگ تینچلیگینگیز و رفاهینگیز اوچون لازم بولگن خذمتلرنی باکجریش یولیده کوپراق سعی-حرکت قیلیلیک.
مملکت چیگرهلرینی قوریقلاوچی یاخود شاهراهلر و شهرلر نینگ خوفسیزلیگینی تأمینلش مسئولیتینی اوز بوینیگه آلگن اسلام امیرلیگی نینگ مجاهدلری همده دفاعی و امنیتی کوچلری اوچون الله تعالیدان بو بویوک خذمتلری اوچون کوپلب اجرلر تیلب قالهمن. اولرگه منینگ کورستمهم شوندیدیرکی، بو مبارک هییت کونلریده هم اوز وظیفهلریگه جدی اعتبار قارتسینلر، رنج کورگن وطنداشلریمیز هییتنی تولقین ایشانچ و خرسندلیک بیلن قوتلی آلسینلر.
شونینگدیک، سونگی کونلرده قوشنی مملکتلردن میلیونلب مهاجرلر اوز وطنی افغانستانگه قیتیپ کیلگنلر یاخود زلزلهلر و سېللر عاقبتیده ایریم خلق اوز جایلریدن بیجا بولیب اوتگنلر؛ شونینگدیک کوپلب وطنداشلریمیز تورلی سببلر طفیلی یوقسیللیک (فقیرلیک) وضعیتیده حیات کیچیرماقدهلر. افغانستان اسلام امیرلیگی قولی ییتگونجه اولرگه یاردم بیرگن و ینه هم بیرهدی، بیراق اوشبو پیام آرقهلی برچه وطنداشلریمدن مقتضا کیشیلرنی اوونوتمسلیکلرینی و هییت کونلریده اوز کوچلریگه قرهب اولرگه کومکلشیشلرینی سورهیمن؛ تا بولسینکیم بو مبارک کونلرده محروملیک تویغوسینی حِس قیلمهسینلر.
آخیریده، ینه بیر بار هییتنی برچه مسلمان آغه اینیلرگه، اینیقسه افغانستان نینگ مؤمن و مجاهد خلقگه قوتلوغلهیمن همده دعا قیلهمنکی، الله تعالی اسلامی نظام سایهسیده هر دایم امنیت، شادلیک و برادرلیک بیلن تولگن هییتلرنی اولرگه نصیب ایلهسین.
آمین یا ربالعالمین.
و السلام علیکم ورحمت الله وبرکاته
الحاج ملا محمد حسن آخند
