افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین بیرلشگن ملتلر تشکیلاتی پروژه‌یی خدمات اداره اجرایوی رییسی جورج مورییرا داسیلوا جنابلری و یولداش هیاتی بیلن اوچره‌شیب ملاقات قیلدی.
اوچره‌شوو ده دستلب بیرلشگن ملتلر تشکیلاتی نینگ پروژه‌یی خدمات اداره‌سی اجرایوی رییسی جورج مورییرا داسیلوا جنابلری صحبت قیلیب، بو نهادنینگ پروژه لری عملگه آشیریلیشی اوچون اسلام امیرلیگی کورستگن همکارلیکدن خرسندلیک قیلدی.
اونینگ ایتیشیچه (OPS) بیرلشگن ملتلر تشکیلاتی نینگ کته پروژه لریدن دیر، بو نهاد افغانستانده اجتماعی یاردم، آستقورمه لر ایجاد قیلیش و ایکین ییرلرنی سوغاریش بولیمیده فعالیت قیلیب کیله‌دی.
جورج مورییرا جنابلری مملکت بویلب ۳۰ ولایت ۹۰ اولسواللیکده ۳. ۱ میلیون عایله مذکور تشکیلات نینگ اجتماعی یاردملر پروژه سی کمک لریدن فایده لنه دیلر و عین حالده هرات ده زلزله دن زیان کورگنلرگه بو موسسه تامانیدن یشش اوی لر هم قوریب بیریلگن دیب قوشیمجه قیلدی.
شونینگدیک اونینگ ایتیشیچه، سولرپمپلر اورنه تیش آرقلی ایکین ییرلرنی سوغاریش توغریسیده اوشبو نهاد تامانیدن ینگی پروژه باشلنه دی بو خصوصده اسلامی امیرلیگی نینگ همکارلیگیگه ضرور.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بیرلشگن ملتلر تشکیلاتی پروژه‌یی خدمات دفتری اجرایوی رییسی و یولداش هیاتنی خوش کیلیب سیز دیب، بو موسسه و بیرلشگن ملتلر تشکیلاتی نینگ افغانستانده گی برچه فعالیتلریدن تشکرلیک قیلدی.
ریاست الوزراء اداری اورین نینگ کوپه یتیریشیجه، اسلام امیرلیگی UNOPSموسسه سی نینگ افغانستانده گی فعالیتلریدن حمایت قیلیب، اونینگ پروژه لری عملگه آشیریلیشی اوچون لازم همه آسانلیکنی یره تیب بیره دی.
حرمتلی مولوی عبدالسلام حنفی، امنیت تامینله‌نیشی، مخدر ماده نینگ ایکیش، قاچاق، تجارت استعمالینی منع ایتیلیشب، اداری فساد یوق ایتیلگنی، افغانستانده اقتصاد رواجله‌نیشی اوچون کته ایشلر بولگن، شونینگ اوچون هم دنیا جماعه چیلیگی و یاردم بیروچی تشکیلاتلر مخدر ماده ایکیش بدیلی، یاشلرنی ایش اورینلری بیلن تامینلش و باشقه بولیملرگه همکارلیک قیلیشی کیره‌ک دیب تاکیدله دی.#
