افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون سمنگان ولایتی نینگ بیر قنچه بویوکلری بیلن کوریشدی.
اوچره شووده دستلب حرمتلی الحاج قاسم پاچاخان باشقه لر نماینده لیگیده صحبت قیلیب، سمنگان ولایتی نینگ اجتماعی، اقتصادی و امنیتی وضعیتی باره سیده ریاست الوزراء اداری اورین باسرلیگی مقامیگه معلومات بیریب و مملکت بویلب خوفسیزلیک تامینلنگنیدن خرسند قیلدی.
اونینگ ایتیشیچه، نابرقرارلیک و خوفسیزلیک نقطه نظردن مذکور ولایت خلقی اوزاق ییللر درد و رنج نی تحمل قیلگندن سونگ، امنیت و تینچلیککه ایریشدیلر بو ایسه شبهه سیز اسلام امیرلیگی مجاهدلری همده مسووللری تلاشی نینگ نتیجه سی دیر.
حرمتلی حاجی قاسم پاچاخان، بو ولایت اهالیسی اوشنده ی که اشغالچیلر برابریده جهاد و مملکت ده اسلامی تیزیم برقرار بولیشی اوچون اسلام امیرلیگی بیلن همکارلیگ قیلگن ایدیلر وحاضرگی کونده هم اسلام امیرلیگی بیلن هر قنده ی همکارلیککه تیارلر و اوشبو نظام دوامی و مستحکمله نیشی اوچون یاردمگه تیارلر دیب ایتدی.
کیینچه لیک ریاست الوزراء اداری اورین باسری حرمتلی مولوی عبدالسلام حنفی اولرنی خوش کیلیب سیزلر دیب، اشغالچیلر برابریده گی جهاد ده سمنگان ولایتی مردمی نینگ حمایتی و همکارلیگینی مختب تیلگه آلدی.
ریاست الوزراء اداری اورین باسری اسلام امیرلیگی دین عالملری، مجاهدلر و بو یورت نینگ مینگلب یاشلری قربانلیگی نتیجه سیده اورته گه کیلگن دیر و بو بوتون افغانستان مسلمان مردمی گه تیگیشلی دیر و اوشبو اسلامی تیزیمنی حمایت قیلیش هر بیر کیشی نینگ اسلامی و ملی بورچی حسابلنه دی دیب قوشیمچه قیلدی.#
