بوگون اوتیزینچی دهقان میلهسی اوتیزینچی ایکینچیلیک و چارواچیلیک محصولاتلری کۉرگزمهسیده ریاست الوزراء سیاسي اورینباسری حرمتلی مولوی ی عبدالکبیر اشتراک ایتدی و نطق سوزلهدی.
مراسمده ریاست الوزراء اقتصادی اورین باسری حرمتلی ملا عبدالغنی برادر، اداری اورین باسری حرمتلی مولوی عبدالسلام حنفی، کابینه بیر قنچه اعضالری، اسلام امیرلیگی مسووللری، تدبیرکارلر و دهقانلر اشتراک قیلگن ایدیلر.
اوشبو مراسمده ریاست الوزراءنینگ سیاسي اورینباسری سونگگی پیتلرده صادر بولگن سوو تاشقینلری و طبيعي آفتلردن کو گن تلفاتلری اوچون همدردلیک بیلدیریب، شهیدلر گه جنتی عایلهلریگه صبر-طاقت تیلهدی.
او کچهیو کوندوز محنت قیلیب، افغانستان اقتصادیاتینی مستحکملشگه حصه قوشهیاتگن برچه افغان دهقانلر و اینکینچلرگه منّتدارچیلیک بیلدیردی.
محترم مولوی عبدالکبیر ایکینچیلیک و چارواچیلیک افغانستان اقتصادیاتی نینگ تهیهنچی دیب حسابلب، زراعتی محصولاتلری افغانستان صادراتی و ایشلب چیقریشی نینگ اساسي قِسمینی تشکیل ایتیشینی قوشیمچه قیلدی.
اونینگ ایتیشیچه، دهقانلر، زراعتی محصولاتلری و محصولاتلرینی قوللب-قوّتلش هر بیر انسان نینگ بورچی دیر، لیکن افغانستاندهگی اداره لر سونگگی بیر نېچه اون ییللیکدهگی اوروشلر و باسقینلر طفیلی ویران بولگنینی قوشیمچه قیلدی؛ بیراق اونی قَیته تیکلشگه کتّه اعتبار بیریلمهگن.
ریاست الوزراء نینگ سیاسي اورینباسری منطقهده و جهانده زراعتی محصولاتلریمیز اوچون مناسب بازارلر تاپیلیشی و خلقارا ستندردلرگه موافق افغانستان محصولاتی جهان بازارلریگه ییتکزیب بیریش ضرورلیگینی تأکیدلهدی.
اونینگ قوشیمچه قیلیشیچه، اسلام امیرلیگی اوز سووینی نظارت قیلیش، منتظم سوو تقسیملش تیزیمینی یرهتیش، کاناللر و سوو توغانلرینی قوریش و ترمیملش، دهقانلرگه اوز محصولاتلرینی رواجلنتیریش امکانیتینی یرهتیشگه حرکت قیلماقده.
قیشلاق خوجهلیگیده سرمایه کیریتیش اوچون اولکن صلاحیت و امکانیتلر موجودلیگینی تاکیدلب، برچه محلي و خارجي کمپنی و سرمایه یاتقیزوچیلرنی اوشبو ساحهگه سرمایه کیریتیشگه چقیردی.
حرمتلی مولوی عبدالکبیر اسلام امیرلیگی زراعت ساحهسینی مستحکملش آرقهلی افغانستاننی اوزینی-اوزی تأمینلشگه آلیب بارماقچی، دیب ایتدی.
