افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین مالیه وزیرلیگی تامانیدن حکومت نینگ ییتکرمه لر مرکزیده اوتکزیلگن اصناف ثابت سالیق معافیتی و تخفیفی ییغینیده اشتراک قیلیب نطق سوزله دی.
ریاست الوزراء اداری اورین باسری اوشبو ییغین اوتکزیلیشی اوچون مالیه وزیرلیگی و حکومت ییتکرمه لر مرکزی نینگ مسووللریګه تشکر قیلیب، امیرالمؤمین شیخ القرآن و الحدیث مولوی هبت الله آخندزاده حفظه الله تعالی نینگ صادر قیلگن حکمی اساسیده بوتون افغانستان خلقیگه کوپینچه آسانلیکلرگه سبب بولیشی ممکن دیب ایتدی.
حرمتلی مولوی عبدالسلام حنفی جنابلری نینگ ایتیشیچه، اوتگن ییل اسلام امیرلیگی رهبریتی تامانیدن صنعتکارلر، تورلی اویوشمه لر، اصناف و کسبه کارلر اوچون آسانلیک ایجاد قیلینگن ایدی و اونینگ تعقیبیده بو ییل هم دکاندارلر، کسبه کارلر و تورلی اصناف اوچون هم آسانلیک لر نظرده توتیلگن دیر بو ایسه جاری ییل باشله نیشی بیلن تطبیق ایتیله دی.
شونینگدیک ریاست الوزراء اداری اورین باسری اوتگن ییل اصناف نینگ سالیغی ۵.۰ فایز دن ۵.۰ فایز و بیر ییلده بیر یوز ایللیک مینگ دن کمه یتیریلدی و سونگ افغانستان ملتی نینگ تقاضاسی اساسیده، بو توغریده طرح تیارلش مقصدیده امیرالمؤمین حفظه الله تعالی اداری کمیسیونگه وظیفه تاپشیردی و بونینگ اساسیده ینه هم تورلی اصناف اوچون آسانلیک نظرده توتیلدی و اداری کمیسیون بیر قنچه جلسه دن کیین طرح نی تیارله دی و اصناف، دکاندارلر و کسبه کارلرگه تخفیف معافیت وضع بولیشی اقدام قیلیندی و مذکور طرح امیرالمؤمین حفظه الله تعالی گه تقدیم بولگندن کیین بخت گه موافق مقام تامانیدن کوپراق معافیت نظرده توتیلدی و بو ایسه بوتون افغانستان مسلمان خلقی نینگ خرسندلیگیگه سبب بولدی.
حرمتلی مولوی عبدالسلام حنفی، تورلی اصناف قتلمی بیر ییل ایچیده ایکی میلیون افغانیگچه ساتوولری بولگن و مالیه دن بوتونله ی معاف بولگن لر و بیر ییلده ایکی میلیون دن آرتیق ساتوو ۳.۰ فایز مالیه تولشگه تابع لر و ایسه برچه کسبه کارلر همده دکاندارلر اوچون کته بیر سهولت حسابلنه دی دیدی.
شونینگدیک ریاست الوزراء اداری اورین باسری نینگ کوپه یتیریشیچه، اوتگن ییل افغانستان اسلام امیرلیگی تامانیدن اوتگن ییللرده گی مالیاتی جرایم بوتونله ی معاف قیلیندی و کیله جک ده هم هیچ کیم نینگ اوستیگه مالیه وضع قیلینمه یدی.
اونگه کوره، دکاندارلر، کسبه کارلر، اصناف و عراده جات مالیه سی معاف قیلیندی، انتفاعی تعلیمی و خصوصی سکتور تحصیلی اداره لرنینگ هم ۱۴۰۲- ییل ده مالیه سی آلینمه دی؛ شونینگدیک صنعت ستکوری انتفاعی مالیه سی ۴ فایز دن ۲ فایزگه توشیریلدی، مالیه بیرووچیلرگه تیکیریش پروسه سیده آسانلیک یره تیلدی و اسنادلرنی تیکشیریش اساسیده تاجرلرنینگ حجتی بیش ییل عوضیده هر ییل ده عملگه اشیریله دی.
شونینگدیک ریاست الوزراء اداری اورین باسری تاجرلر همده صنعتکارلرگه آسانلیک یره تیب بیریلیشی مقصدیده آسان خدمت و ون ستاپ شاپ مرکزلری ایجاد قیلیندی دیدی. صنعت، تجارت و زراعت سکتولریدن قراردادی مالیه نینگ ۷ فایزی آلینمه یدی، ساغلیق سکتوری نینگ انتفاعی مالیه سی ۴ فایزدن ۳ فایزگه کمه یتیریلدی و مملکت ده ینگی دن ایجاد بولگن ساغلیق مرکزلردن بیرینچی ییل ده اولردن بوتونله ی مالیه آلینمه یدی و ایکینچی ییل ده ۲ فیصد مالیه آلینه دی و کیینچه لیک عادی بیر شکلده ۳ فایزلیک انتفاعی مالیه گه تابع بوله دیلر دیب قوشیمچه قیلدی.
عین حالده حرمتلی مولوی عبدالسلام حنفی اوزی نینگ صحبتلری اداغیده اسلام امیرلیگی تورلی بولیملرده مردم گه آسانلیک یره تیش اوچون تلاش قیله دی دیب مالیه وزیرلیگی نینگ مالیه ییغیش و تیکشیریش برچه مامورلریدن تیکشیریش جریانیده شرعی و اسلامی اصولگه مطابق عمل قیلیب و مردم بیلن یخشی و ایزگو یانده شیشلری کیرکلیگینی تیگله آلدی، بولمه گن ده شرعی و اسلامی حکم اساسیده جزاله نیشلری ممکن دیب ایتدی.#
