افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ حرمتلی داکتر عبدالهادی کریم بیلن اوچره شدی.
بو اوچره شووده دستلب حرمتلی داکتر عبدالهادی کریم صحبت قیلیب اسلام امیرلیگی نینگ تورلی بولیملر اینیقسه ساغلیقنی سقلش خصوصیده توجه قره تگنیدن خوشحاللیک قیلدی.
اونینگ ایتیشیچه، ساغلیق خذمتلریگه ایریشیش مملکت یشاوچیلری نینگ جدی احتیاجلریدن سنه له دی و بخت گه موافق اسلام امیرلیگی بو خصوصده خاص توجه قیلیب و مهم ایشلرنی عملگه آشیرگن دیر.
شونینگدیک حرمتلی داکتر عبدالهادی کریم داکترلر همده متخصصلر قابلیتی آشیریلیشی ضرورتی، زمانوی لابراتوارلر اورنه تیلیشی و مملکت صحی مرکزلریگه ظرفیتلی و مسلکی کیشیلر جذب قیلینیشیگه اشاره قیلیب، مسووللردن بو توغریده خاص توجه قیلیشلرینی ایسته دی.
ریاست الوزراء اداری اورین باسری حرمتلی مولوی عبدالسلام حنفی اوچره شوودن خورسندلیک قیلیب، اسلام امیرلیگی تورلی بولیملر اینیقسه ساغلیقنی سقلش بولیمیده وطنداشلرگه خذمت قیلیشنی اوزی نینگ وظیفه و مسوولیتلریدن بیله دی و بو توغریده هیچ قنده ی سعی و تلاش نی دریغ ایتمه یدی دیدی.
ریاست الوزراء اداری اورین باسری اسلام امیرلیگی نینگ شفاخانه لر همده صحی مرکزلرنی زمانویلتیریش توغریسیده گی لایحه لرینی تیلگه آلیب چیت ایلده گی همه افغان داکترلر و متخصص لریدن مملکت لریگه قیتیب کیلیب کسللرنی دوالب مملکت آلغه باریشی و ترقیاتی اوچون سهم بولیشلرینی ایسته دی.
حرمتلی مولوی عبدالسلام حنفی بیلدیریلگن پیشنهادلر باره سیده اسلام امیرلیگی بوتون امکانیتی بیلن بو توغریده تیرگشه دی دیدی.#
