افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون فاریاب ولایتی بلچراغ اولسواللیگی نینگ مجاهدلری بیلن اوچره شیب ملاقات قیلدی.
اوچره شووده بیرینچیدن حرمتلی مولوی عبدالباقی حاضر کیشیلر نماینده لیگیده گپیریب، امنیت، ساغلیق، تعلیم و تربیه، دینی مدرسه لر و اینیقسه بو اولسواللیک مجاهدلری باره سیده ریاست الوزراء اداری اورین باسری گه معلومات بیردی.
مولوی عبدالباقی بلچراغ اهالیسی قیین چیلیگیدن علاوه، عمومی یول مساله سینی بو اولسواللیک نینگ اساسی قیینچیلیکلریدن دیب، بو معما حل بولیشی اوچون اسلام امیرلیگی مسووللریدن جدی توجه ایتیشلرینی سوره دی.
سونگ ریاست الوزراء اداری اورین باسری حرمتلی مولوی عبدالسلام حنفی حرمتلی مولوی عبدالباقی و اونینگ مجاهد یولداشلری بیلن اوچره شگنیدن خورسندلیک قیلیب، اشغالچیلر چیقاریلیشی و اسلامی نظام اورنه تیلیشی یولیده بلچراغ اولسواللیگی خلقی نینگ شهامت و فداکارلیگی تحسین گه سزاوار دیدی.
ریاست الوزراء اداری اورین باسری، اسلام امیرلیگی خدمت قیلیش و خلق قیینچیلیگینی حل ایتیشگه مکلف دیر دیب ایتدی. او، ایسله تیلگن قیینچیلیکلر حل بولیشی ممکن دیب وعده بیردی.
