افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون دوحه ده حماس سیاسی دفتری سابق باشلیغی شهید اسماعیل هنیه جنازه مراسمیده قتنشدی.
شهید هنیه جنازه‌سی بوگون قطر شهریده یوزلب سیاسی شخصیت، عالملر و مسلمانلر اشتراکیده بولیب اوتدی.
شهید هنیه فلسطین آزادلیگی و جنایت‌کار اسراییللیکلر برابریده مقدس مبارزه قیلیب و شو یولده شهید بولدی.
ریاست الوزراء سیاسی اورین باسری اونینگ شهادتیدن بیر کون آلدین تهرانده شهید هنیه بیلن اوچره‌شگن ایدی، فلسطینلیک مجاهدلر حق مبارزه‌سیدن حمایت قیلیب، اسلام امیرلیگی اوزی نینگ مجاهد ایناغه‌لری یانیده تورگن.#
