افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین اوزبیکستان باش وزیری حرمتلی عبدالله عارف اف نی او مملکت بیر قطار وزیرلری، تاجرلری و سرمایه یاتقیزوچیلری یولداشلیک قیلگن بیر پیت ده اوچره شدی.
بو اوچره شووده اوزبیکستان باش وزیری حرمتلی عبدالله عارف اف ریاست الوزراء اداری اورین باسرلیگی تامانیدن تیارلنگن ضیافت دن منتدارچیلیک قیلیب، مملکتی نینگ افغانستان بیلن دینی، فرهنگی و تاریخی علاقه سینی تیلگه آلیب حاضرگی کونده هر ایکی مملکت نینگ علاقه سی بیر- بیراوگه حرمت و تعامل اساسیده اینگ یخشی بیر حالت ده تورگن اوزبیکستان دولتی همده ملتی اسلام امیرلیگی بیلن تورلی بولیملرده اوزلری نینگ مناسبتلری کینگه یشینی ایسته یدیلر دیب ایتدی.
اوزبیکستان باش وزیری نینگ قوشیمچه قیلیشیچه، بو مملتک نینگ تاجرلری همده سرمایه یاتقیزوچیلری ایریم بولیملر جمله دن تیمیر یول، کانلرنی قازیب چیقاریش، ایکینچلیک، انرژی، ایشلب چیقاریش و تجارت بوییچه افغانستانده سرمایه یاتقیزه دی.
شونینگدیک اونینگ سوزلریگه کوره، اوزبیکستان دولتی اوز تعهدلرینی فقط گینه قاغذ یوزیده قالدیرمه ی، بلکه ایریم بولیملرده عملده قدملر تشله گن دیر. کیینچه لیک ریاست الوزراء اداری اورین باسری حرمتلی مولوی عبدالسلام حنفی اوزبیکستان باش وزیری حرمتلی عبدالله عارف و یولداش هیاتینی خوش کیلیب سیزلر دیب، اوزبیکستان و افغانستان دولت و ملت علاقه سینی ایناغه چیلیککه یونلتیریلگن دیب توصیف قیلدی.
ریاست الوزراء اداری اورین باسری افغانستان همده اوزبیکستان علاقه سی تورلی بولیملر جمله دن فرهنگی، دینی، اقتصادی، سیاسی بخش اوزاق تاریخ گه ایگه دیر و مذکور علاقه ایسه هر دایم حرمت و تعامل اساسیده بولگن دیدی. ریاست الوزراء اداری اورین باسری نینگ کوپه یتیریشیچه، اسلام امیرلیگی افغانستانده هر قنده ی سرمایه یاتقیزیش و تجارت شرایطینی یره تگن و اوزبیکستانلیک تاجرلرنینگ بو مملکت گه هر بولیمگه سرمایه کیریتیشینی ایسته یدی دیدی.#
