کابل شهریده ایچیملیک سووی معمالری و اهالینی تازه ایچیملیک سووی بیلن تامینله نیشی تامینلش استراتیژیسینی ایشلب چیقیش همده سوو انرژی، ایکینچیلیک، سووغاریش چارواچیلیک، قیشلاقلرنی رواجلنتیریش، اقتصاد وزیرلیکلری قوشیمچه شهری فاضلاب دولتی شرکتی اورته سیده گی ایش وظیفه لرگه اره له شیشنی حل قیلیش مساله لریگه بغیشلنگن ییغین اسلام امیرلیگی ریاست الوزراء اداری ایشلر بوییچه اورین باسری حرمتلی مولوی عبدالسلام حنفی باشچیلیگیده بولیب اوتدی.
اوشبو ییغیلیشده قیشلالرنی رواجلنتیریش، شهر قوریش و مسکن، اقتصاد، انرژی و سوو وزیرلیکلری سرپرستلری، ایکینچلیک، سووغاریش و چارواچیلیک وزیرلیگی نینگ طبیعی منبعلر و سوغاریش معینی، شهری فاضلاب و سوو ییتکزیش دولتی شرکت رئیسی، مالیه وزیرلیگی معینی، اطراف محیط نی تازه سقلش ملی اداره سی نینگ رئیسی و ایسله تیلگن اداره لرنینگ مسلکی و تخصصی نماینده لری اشتراکیده، هر تامانلمه بحث آلیب باریلگندن کیین بو توغریده لازم قرار قبول قیلیندی.
شونینگدیک، ایسله تیلگن وزیرلیکلرده موجود تشکیلات و وظیفه وی اره لشیشگه عاید حجتلرنی هر تامانلمه تیکشیریب اونینگ نتیجه سینی کیلگوسی ییغینگه تقدیم قیلیشی اوچون بیر کمیته هم موظف قیلیندی.
