افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین جوزجان ولایتی خواجه دوکوه اولسواللیگی نینگ بیر قنچه آقسقاللری و قوم بویوکلری بیلن اوچره شیب ملاقات قیلدی.
اوچره شووده دستلب اولر مذکور اولسواللیک نینگ اجتماعی، اقتصادی و خوفسیزلیک وضعیتی باره سیده ریاست الوزراء اداری اورین باسرلیگی مقامیگه معلومات بیردیلر.
اولرنینگ ایتیشیچه، اسلام امیرلیگی نینگ مجاهدلری همده محلی مسووللر امنیت تامینله نیشی، مردم گه خدمت قیلیش و اولرنینگ قیین چیلیکلرینی برطرف قیلیش اوچون هردایم تلاش قیله دیلر.
اوشبو قوم بویوکلر همده آقسقاللر اسلام امیرلیگی تامانیدن ایش جایلری یره تیلیشی و اجتماعی خدمتلر تامینلنگنینی تیلگه آلیب ایتیشلریچه، سوو آزلیگی برطرف بولیشی، مدرسه لر، مکتبلر و ساغلیق مرکزلری ایجاد ایتیلیشی و مذکور اولسواللیک ده قتناو یوللر قوریلیشی اوچون خاص توجه بولیشنی ایسته دیلر.
کیینچه لیک ریاست الوزراء اداری اورین باسری حرمتلی مولوی عبدالسلام حنفی اوچره شوودن خرسندلیک قیلیب، امنیت تامینله نیشی، اجتماعی رفاع و یشاووچیلرگه خدمت کورسه تیش اسلام امیرلیگی نینگ مسوولیتلریدن دیر و بو توغریده دایمی سعی و تلاش قیلینه دی دیدی.
اولرنینگ پیشنهادی توغریسیده اشاره قیلیب گپیرگن ریاست الوزراء اداری اورین باسری، اسلام امیرلیگی اوزی نینگ کوچ قوتیگه کوره تیلگه آلینگن موردلرگه لازم چاره تدبیر کوریشی ممکن دیب قوشیمچه قیلدی.#
