افغانستان اسلام امیرلیگی ریاست الوزراء کفیلی همده سیاسی اورین باسری حرمتلی مولوی عبدالکبیر بوگون خوست ولایتی نینگ بیر قنچه قوم بویوکلری و آقسقاللری بیلن اوچره شدی.
اوشبو اوچره شووده خوست قومی بویوکلری اهالی نینگ ایریم قیین چیلیگی حل بولیشی اوچون اسلام امیرلیگیگه منتدارچیلیک بیلدیریب، ریاست الوزراء کفلی و سیاسی اورین باسرلیک همکارلیگی بیلن محلی انکشافی پروژه لر باشلنگن دیدیلر.
شونینگدیک اولر اسلام امیرلیگی بیلن هر قنده ی همکارلیککه تیار ایکنلیکلرینی تیلگه آلیب، هنوز هم اوزاق محللرده اهالی دستلبکی خذمتلرگه ایریشمه گنلر و بو توغریده کوپراق ایشلر بولیشی کیره ک دیدیلر.
مذکور قوم بویوکلری خوست ولایتی یشاووچیلری نینگ قیینچیلیگی و پیشنهادلرینی یازمه شکلده ریاست الوزراء کفیلی و سیاسی اورین بلسری بیلن شریک قیلدیلر.
ریاست الوزراء کفیلی همده سیاسی اورین باسری حرمتلی مولوی عبدالکبیر، قوم بویوکلرینی خوش کیلیب سیزلردیب، اسلام امیرلیگی کیلگوسی ییلده ترقیات همده ییر آستی پروژه لرنی کوپه یتیریش اوچون بودجه نی آشیره دی دیدی.
اونینگ سوزلریگه کوره، بیرینچی خدمتلر همده ییر آستی پروژه لرنی عملگه آشیریش اسلام امیرلیگی نینگ اولویتلریدن بیری و برچه اداره لر بو توغریده خاص توجه قیله دیلر.
