افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون کیچ فاریاب ولایتی نینگ بیر قنچه دین عالملری بیلن اوچره‌شیب ملاقات قیلدی.
بو اوچره‌شووده دستلب حرمتلی مولوی شمس الدین باشقه‌لر نماینده‌لیگیده گپیریب، ولایت بویلب امنیت تامینلنگنی و محلی مسووللر مردم نینگ قیینچیلیگینی برطرف ایتیش اوچون سعی و تلاش قیلیشلرینی ایتدی.
شونینگدیک او اسلام امیرلیگی نینگ مسووللریدن مذکور ولایتده مدرسه‌‌لر، مکتب‌لر، زمانوی صحی مرکزلر و سوو توغانلری قوریلشی اوچون خاص توجه قیلیشلرینی سوره‌دی.
سونگ افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی اوچره‌شوودن خورسندلیک قیلیب، امنیتنی تامینلش، یشاوچیلرگه خدمت قیلیش و اولرنینگ قیینچیلیکلرینی برطرف قیلیش اسلام امیرلیگی مسوولیتی و وظیفه‌لریدن دیب بو حقده هیچ قنده‌ی تلاش‌نی دریغ ایتمه‌یدی دیدی.
حرمتلی مولوی عبدالسلام حنفی جنابلری اولرنینگ پیشنهادی باره‌سیده ایتیشیچه، اسلام امیرلیگی اوزی نینگ کوچیگه یره‌شه بو توغریده لازم چاره تدبیر کوریشی ممکن دیر#
