بسم الله الرحمن الرحيم
الحمد لله رب العلمین و الصلوة و السلام علی أشرف المرسلين سیدنا محمد و علی آله و صحبه و من تبعهم باحسان الی یوم الدین. قال الله تبارک و تعالی: مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلًا (۲۳) الاحزاب. صدق الله العظیم. کیین:
ایران پایتختی تهرانده اسلامي مقاومت حرکتی (حماس) سیاسي دفتری باشلیغی اسماعیل هنیة نینگ شهید بولیشی یوره‌کنی لرزه‌گه سالدی. صهیونیستی رژیم شهید اسماعیل هنیة نی حکومت مهمانی و حماس باشلیغی بولگنیده نشانگه آلدی.
بونده‌ی شخصنی نشانگه آلیش برچه حکمران خلق ارا معیارلرنی جدّي بوزیش حسابلنه‌دی و دوام ایته‌یاتگن اوروشده دشمنلر هیچ قنده‌ی اصلنی حرمت قیلمسلیگینی کورسه‌ته‌دی. غرب تشکیلاتلری و انسان حقوقلری تشکیلاتلری نینگ غزه ده‌گی عیاللر و باله‌لر نسلکشلیگیگه نسبتاً اون آی دوامیده سکوت سقلشلری بو تشکیلات‌لر نینگ حقیقتینی آشکار قیلدی.
شهید اسماعیل هنیة گه قیلینگن بو قورقاقچه هجومنی اینگ قتّيق سۉزلر بیلن قاره‌له‌یمن. بیز الله تعالی گه بو قربانلیک نینگ ثمر بیریشیگه ایشانه‌میز.
صهیونیست رژیمی نینگ بو آچیق جنایتی فلسطینلیکلر نینگ نسلکشلیک قیلینیشیگه قره‌مه‌ی، رژیم غزه اوروشیده مهم حربي یوتوقلرگه ایریشه آلمه‌گنینی کورسه‌ته‌دی. شو باعث، صهیونیست رژیم اوزی نینگ حوصله‌سی پیر بولگنینی یشیریش اوچون حماس نینگ سیاسي دفتری باشلیغینی نشانگه آلدی. لیکن بیز فلسطین خلقی نینگ حق و ایرکینلیک اوچون مقاومتی دوام ایتیشیگه ایشانه‌میز.
اداغیده، مېن ینه بیر بار جهان و منطقه حکومتلرینی صهیونیست رژیم تامانیدن غزه ده‌گی کوپراق جنایتلرنینگ آلدینی آلیشگه و غزه اوروشی آلاوی بوتون منطقه‌نی قمره‌ب آلیشیگه یول قویمسلیککه چقیره‌من. بو فاجعه نینگ کینگه‌ییشی و رواجلنیشی اوچون بوتون مسوولیت صهیونیست رژیم و اونینگ طرفدارلری ذمّه‌سیگه توشه‌دی.
والسلام
افغانستان اسلام امیرلیگی باش وزیری
الحاج ملا محمد حسن آخند
