د افغانستان اسلامي امارت رئیس الوزراء محترم الحاج ملا محمد حسن اخوند د ۱۴۰۴ لمریز کال د پسرلي په مناسبت د ارګ د ګلخانې ماڼۍ په چمن کې یو نیالګی کېناوه.
په دې مراسمو کې، پر رئیس الوزراء سربېره د ریاست الوزراء مقام د دفتر عمومي رئیس ډاکټر ملا عبدالواسع، د ریاست الوزراء د دفتر عمومي ریاست د منابعو او ادارې مرستیال مفتي سید احمد مستقیم، د ریاست الوزراء د دفتر عمومي ریاست د عامه او ستراتېژیکو اړیکو مرستیال قاري عبدالستار سعید او د اسلامي امارت یو شمېر نورو مسؤلینو هم ګډون کړی وو.
یاد مراسم د ارګ د جامع جومات د خطیب محترم قاري محمد حنیف له لوري هیوادوالو ته د خیر او فلاح او د هېواد د هوساینې او زرغونتیا لپاره په دعائې سره پای ته ورسېدل.#
