د دغې پروژې پرانیستغونډې ته محترم الحاج ملا عبدالغني برادر اخوند وویل: «نړیوالو زموږ وطن اباد نه، بلکې ویران کړ او اوس یې موږ په جوړولو بوخت یو. دا وطن د پردیو په مرستو او خیراتونو نه جوړېږي، خپله به خپل وطن په خپلو تولیداتو آبادوو.» د ریاستالوزراء اقتصادي مرستیال په یاده پرانیستغونډه کې د اسلامي امارت پر مسؤلینو غږ وکړ، چې تر خپلو شخصي کارونو د ولس کارونو ته ډېر متوجې واوسي او ستونزې یې ورحل کړي. ځکه په خبره یې، دا هغه ملت دی چې د اسلامي نظام د راتګ لپاره یې ډېرې قربانۍ ورکړې او باید هېرې نشي. د یادولو وړ ده چې د دغې پروژې په پلي کېدو سره د کجکي بند د برښنا ظرفیت له 51 څخه 151 میګاواټو ته لوړ شوی او پر هلمند سربېره به کندهار ته هم برښنا ورکړي.
