د افغانستان اسلامي امارت د ریاستالوزراء اقتصادي مرستیال محترم ملا عبدالغني برادر اخوند په مشرۍ د اسلامي امارت لوړپوړی پلاوی چې د کابینې یوشمېر محترم غړي او د سکټوري ادارو استازي پهکې شامل دي، نن غرمه د ازبکستان پلازمېنې تاشکند ته ورسېد.
په تاشکند نړیوال هوايي ډګر کې د ازبکستان د لومړي وزیر مرستیال محترم جمشید خواجه یوف، د افغانستان لپاره د دغه هېواد د ولسمشر ځانګړي استازي محترم عصمتالله ایرګاشېف او په ازبکستان کې د اسلامي امارت سفیر محترم شیخ عبدالغفار بحر له لوري د اسلامي امارت لوړپوړي پلاوي هر کلی وشو.
