د اداري کمېسيون غونډه نن له غرمې مخکې د افغانستان اسلامي امارت د رياست الوزراء اداري مرستيال محترم مولوي عبدالسلام حنفي په مشرۍ او د دې کمېسيون د غړو په ګډون ترسره شوه.
په دې غونډه کې، لومړی ټاکل شويو کمېټو د خپلو ورسپارل شويو فعاليتونو او کړنو په اړه معلومات وړاندې کړل او وروسته د تېلو او ګازو خپلواکې ادارې پر تشکيلاتو او د ښاروالیو د چارو انسجام ادارې پر موضوع هر اړخيز بحث وشو او په دې برخه کې لازم تصميمونه ونيول شول.
په پای کې، په اجنډا کې د شاملو موضوعاتو د لا زيات تدقيق په موخه جلا کمېټو ته دنده وسپارل شوه.#
