عالیقدر اميرالمؤمنين حفظه الله تعالی آرقلی امیربالمعروف، نهی عن المنکر و شکایتلرنی ایشیتیش وزیرلیگی نینگ قانونلری توشیح و رسمی جریده ده نشر ایتیلگن دن سونگ یوناما قوشیمچه ایریم تامانلرنینگ اساس سیز خواطریگه سبب بولگن.
بیزلر برچه تامانلرگه ایته میز که اوشبو شرعی قانون بیر مقدمه، تورت فصل و ۳۵ ماده دن عبارت دیر، و اسلامی مصادر دن آلینگن و اسلامی شریعت حنفی فقه یاروغلیگیده ترتیب بیریلگن. بونینگ هر بیر قانونی، هر بیر ماده سی وفقره سی ایشانچلی مصادر قبول بولگن فقه دن چیقاریلگن و بونینگ برچه مصادر و منبع لری پاروقیده یازیلگن.
مسلمان بولمه‌گن هر بیر کیشی بو قانونلردن خواطرلنیب، اولرنی رد ایتسه، اوّلا اسلام قانونلری بیلن تنیشیب، اسلامي قدریتلرنی حرمت قیلیشی کیره‌ک. اسلام شریعتیگه بولگن بونده‌ی اعتراضنی بیز اولر نینگ تکبرلیگی دیب اته‌یمیز.
مسلمانلر شریعت قاعده‌لری بولگن اوشبو اسلام قانونلری بیلن تنیشیب، بو حقده اوز علمالریدن سوره‌شلری کیره‌ک. مسلمان نینگ بو قانونلرنی انکار ایتیشی یاکه تنقید قیلیشی اونینگ دینیدن بی خبرلیگینی بیلدیره‌دی و حتا اِیمانی نینگ سوسه‌ییشیگه خوف ساله‌دی.
افغانستان اسلامي مملکت دیر و اسلامي جمعیتده اسلام قانونلری عمل قیله‌دی. قرآنی کریم متنلریدن کیلیب چیقیب، یخشی ایشلرگه بویوریب، یامانلیکدن قَیتریش هر بیر مسلمان و اسلامي حکومت نینگ بورچی دیر، شو نینگ اوچون هم امربالمعروف، نهي عن المنکر و شکایتلرنی ایشیتیش وزیرلیگی ذمّه‌سیگه یوکله‌تیلگن وظیفه‌لرنی بجریشگه و شریعت قانونلرینی یخشی عملگه آشیریش ده مجبور دیر.
بو اسلام قانونلری نینگ تطبیق ایتیلیشی هیچ کیمنی تشویشگه سالمه‌یدی، هیچ کیمگه ظلم قیلینمه‌یپتی. اوشبو قانونلر تیگیشلی اصوللر بیلن عملگه آشیریله‌دی. اوشبو قانونلر هیچ کیمنی چیکله‌مه‌یدی و اولرنی عملگه آشیریش ده جوده یومشاق قوللنیله‌دی.
تورلی یونه‌لیشده‌گی بو کبی کیره‌ک سیز تشویشلر اسلام امیرلیگی نینگ موقعیگه هیچ قنده‌ی تأثیر کورسه‌ته آلمه‌یدی، چونکه بیز شریعتنی تطبیق ایتیش یولیده بې‌حساب قربانلیک بیردیک و بو باره‌ده مجاهد ملتیمیز و شهیدلریمیز نینگ مقّدس آرزولریگه صادق میز.
ذبیح الله مجاهد
اسلام امیرلیگی سوزلاوچیسی
۱۴۴۶/۲/۲۲ ه‍ـ.ق
۱۴۰۳/۶/۰۵ ه‍ـ.ش 2024/8/26م
