افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون ایری ایری اوچره شوولریده تورلی قتلم قوم بویوکلری و دین عالملری بیلن اوچره شدی.
مذکور دین عالملری و قوم بویوکلری منطقه لریده خوفسیزلیک تامینلنگنیدن منتدارچیلیک قیلیب ایتیشلریچه، محلی اداره لرده خلق نینگ آوازی ایشیتیله دی و بیرینچی خدمتلرنی کوره تیش اوچون بهبود کوزه‌تیلگن دیر.
شونینگدیک اولر اوز منطقه لریده گی خلق نینگ اقتصادی رواجله نیشی همده ایش فرصتلری یره تیلیشی اوچون ییرک پروژه لر باشله نیشی توغریسیده اوز پیشنهادلرینی بیلدیریب، اهالی هر وقت حکومت نی حمایت قیلیب اوز همکارلیکلرینی دوام بیره دیلر دیدی.
ریاست الوزراء سیاسی اورین باسری حرمتلی مولوی عبدالکبیر مذکور دین عالملری همده آقسقاللرنی خوش کیلیب سیزلر دیب، حکومت برچه اداره لری نینگ دروازه سی اهالی یوزیگه آچیق دیر اهالی اوز ایستکلریدن علاوه مصلحت و مشوره لرینی هم مسووللر بیلن شریک قیله آله دیلر.
اونینگ سوزلریگه کوره، افغانستان خلقی نینگ قربانلیگی نتیجه سیده مملکت ده برقرارلیک و تولیق امنیت تامینلندی بونینگ نتیجه سیده قیته قوریش پروژه لرنی عملگه آشیریش زمینه سی یره تیلدی و اسلام امیرلیگی افغانستان آبادانلیگی یولیده برچه موجود امکانیت دن فایده له نیش گه سعی وحرکت قیله دی.#
