افغانستان اسلام امیرلیگی ریاست الوزراء سیاسي اورین‌باسری حرمتلی مولوی عبدالکبیر بوگون سپیدار قصریده بغلان ولایتی نینگ نهرین، جلگه و برکه اولسواللیکلری نینگ بیر قطار قوم بویوکلر و آقسقاللری بیلن اوچره‌شدی.
اوشبو ییغیلیشده مذکور اولسواللیگی نینگ قوم بویوکلری اسلام امیرلیگی مسوللریگه اوشبو ولایتده‌گی سوو تاشقینیدن جبرلنگنلرگه اوز وقتیده یاردم کورستگنی و خلق نینگ معمالرینی حل قیلگنی اوچون منّتدارچیلیک بیلدیردی.
بو قوم باشلیقلری اسلام امیرلیگی بیلن هر تامانله‌مه همکارلیک قیلیشگه وعده بیریب، بغلان ولایتیده یوللر، مکتبلر، صحی کلینیکلر و مسجدلر قوریشنی سوره‌دیلر. شونینگدیک، سوو تاشقینلری عاقبتیده ویران بولگن اویلرنی و حمایه دیوارلرینی قوریش تکلیفی بیلدیریلدی.
ریاست الوزراء سیاسي اورین‌باسری مولوی عبدالکبیر تیلگه آلینگن قوم ییتکچیلریگه منّتدارچیلیک بیلدیریب، جهاد ییللریده افغانستان نینگ باشقه ولایتلری قطاری بغلان مجاهدلری هم سان-سناقسیز قربانلر کورسه‌تیب، مشقتلرنی باشیدن کیچیرگنینی تأکیدله‌دی.
حرمتلی مولوی عبدالکبیر قوشیمچه قیلدیکی، اسلامي توزوم برچه افغانلرگه خدمت قیلیش مسوليتینی اوز ذمّه‌سیگه آله‌دی و اساسي اعتبار بغلان ولایتی اهالیسی نینگ معمالرینی حل قیلیشگه قره‌تیله‌دی.#
