افغانستان اسلام امیرلیگی ریاست الوزراء عالی مقامی عمومی دفتری نینگ باشلیغی حرمتلی داکتر ملا عبدالواسع بوگون توشدن الدین مملکت بیر قطار بیلیم یورتلری نینگ استادلری بیلن کوریشدی.
بو اوچره شووده بیرینچیدن استاد مصباح الدین شهرستانی، دوکتور صادق باقری و دوکتور عزیزالله بصیر اولری نینگ صحبتلریده مملکت بویلب خوفسزیلیک برقرارلیک تامینلنگنیدن خورسندلیک قیلیب، اسلام امیرلیگی نینگ بو توغریده گی سعی وحرکتلری آلقیشگه سزاوار دیب و اهالی مملکت ده شرعی نظام برقرار بولگنیدن خورسندلر دیدیلر.
اولرنینگ سوزلریگه کوره، اسلام امیرلیگی نظامی اقتصادگه یونلتیریلگن دیر و امید ایته میزکه عوایدنی ییغیش ده یخشی سعی و تلاش بولسه دییه مملکت متخصصلری همده بیلیمدان کیشلرنینگ تورلی بولیملرده تجربه لریدن فایده له نیش کیره ک دیر.
مذکور استادلر امارتی اداره لر کوپراق کوچه یتیریلیشینی ایستب، افغانستان برچه افغانلرنینگ مشترک اویی دیر ومملکت نینگ آبادانلیگی همده رواجله نیشی یولیده بوتون مملکت یشاوچیلری نینگ مسوولیتی بار و بیز استادلر هم بو خصوصده خذمت قیلیش اوچون تیار میز دیب وعده بیردیلر.
اولرنینگ تاکیدله شیچه، ایش مصونیتی بیر اصل دیر دیب، نظاملرنینگ اوزگریش مملکت دن متخصص کیشیلر همده مغزلرنی قاچیشیگه سبب بولمس لیگی کیره ک.
شونینگدیک اوشبو استادلر حکومتچیلیک و برقرارلیک کوچه یتیریلیشی اوچون اوز لایحه همده پیشنهادلرینی بیلدیریب، نظام کوچه یتیریلیشی مقصدیده علمی همده تحقیقات مرکزلردن یخشی فایده له نیش لازم دیدیلر.
کیینچه لیک ریاست الوزراء عالی مقامی عمومی دفتری باشلیغی حرمتلی داکتر ملا عبدالوسع اولرنی خوش کیلیب سیزلر دیب، سیزلر بوتون عمرلرینگیزنی مملکت فرزندلری نینگ تعلیم و تربیه سی اوچون صرفله گن سیزلر دیب لایحه همده پیشنهادلریدن خورسندلیک قیلدی.
اونینگ سوزلریگه قره گنده، افغانستان قیرق ییلدن بیری نا برقرارلیک ده بولیب کیلگن و سونگی ییگیرمه ییل ایچیده سابق اداره نینگ مسووللری فقط گینه خارجیلرنی خورسند قیلیش همده بایلیک آرتیریش اوچون تلاش قیلگن لر.
ریاست الوزراء عالی مقامی عمومی دفتری باشلیغی اشغال توگه شی یولیده افغانستان مردمی نینگ شجاعت همده قربانلیگینی تیلگه آلیب ایتیشیچه، حاضرگی کونده مملکت ده اسلامی نظام حاکم بولگن دیر و برچه میز بونی سقلش و کوچه یتیریلیشی اوچون تلاش قیلیب، مملکت نی تورلی بولیملرگه رواجله نیش ساری ایلگری آلیب باریلیک.
حرمتلی داکتر ملا عبدالواسع اوزی نینگ صحبتلری اداغیده اسلام امیرلیگی نینگ دروازه سی بوتون افغانستان خلقی یوزیگه آچیق دیر، برچه نینگ قیینچیلیگی ایشیتیله دی و اونینگ حلی اوچون قولده گی امکانیت چهارچوبه سیده توجه بولهد دیدی.#
