افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر تیناوون آقشام کابل شهری نینگ اونینچی ناحیه سیده (میرعبدالکریم آغا) آتیگه ینگیدن قوریلگن جامع مسجدنینگ آچیلیش مراسمیده قتنه شیب سوزلشدی.
ریاست الوزراء سیاسی اورین باسری حرمتلی مولوی عبدالکبیر اوشبو مسجدنینگ مالی قوللب قووتله گنلر و اولرنینگ همکارلرینی آلقیشلب کوپه یتیریشیچه، مسجد قوریش نینگ اسلام دینیده ییریک و یوکسک مقامی بار.
حرمتلی سیاسی اورین باسرنینگ قوشیمچه قیلیشیچه، افغانستان ده اسلامی نظام حاکمیتی بیلن قیته قوریش ایشلرنینگ جریانی کوپیگن، بیر قنچه اجتماعی پروژه لردن علاوه هر ییلی اونلب جامع مسجد اسلام امیرلیگی و خلق تامانیدن اساسی شکلده قوریله دی.
اونینگ ایتیشیچه، اسلامی نظام اوزی نینگ قدریتلری سقلنه یدی و کینگه یشگه خاص توجه قیلینه دی و افغانستان رواجله نیش و اقتصادی کینگه یشی اوچون تلاش قیله‌دی.
حرمتلی مولوی عبدالکبیر، اسلام امیرلیگی برچه مملکتلر بیلن مثبت تعامل وعلاقه کینگه یشنی ایسته دی، لیکن هیچ بیر وقت دینی و ملی قدریتلرنی معامله قیلمه یدی.
حرمتلی سیاسی اورین باسرنینگ تاکیدله شیچه، اسلامی نظام برچه افغانلرنینگ ملی حاکمیت و ییر بوتونلیگنی دفاع قیلیش و سقلش مسوولیتی بار و اوزی نینگ فعال تشقی سیاستی بیلن کوپ مملکتلر بیلن ایزگو علاقه قورگن.
حرمتلی مولوی عبدالکبیر اوزی نینگ صحبتلری اداغیده محل اهالیسیگه خطاب قیلیب ایتیشیچه، اوز نمازلرینگیزنی وقتیده جماعت ده ادا قیلینگلر و خیر ایشلرگه سهم آلینگلر.
بسم الله ناملی افغان سرمایه یاتقیزووچی آرقلی قوریلگن اوشبو جامع مسجدنینگ آچیلیش مراسمیده افغانستان اسلام امیرلیگی ریاست الوزراء سیاسی اورین باسریدن علاوه اسلام امیرلیگی نینگ بیر قنچه مسووللری، تجارلر و محل اهالیسی اشتراک قیلگن ایدیلر.#
