افغانستان اسلام امیرلیگی سوزلاوچی دفتری آرقلی وزیرلیکلر همده مستقل اداره لر سوزلاوچیلری بیلن هماهنگ لیک ییغینی بوگون توشدن آلدین ارگ نینگ چهار چنار قصریده بولیب اوتدی.
بیرینچیدن اسلام امیرلیگی سوزلاوچیسی اورین باسری حرمتلی ملا حمدالله فطرت قتنشووچیلرنی خوش کیلیب سیزلر دیب، سوزلاوچیلری اسلام امیرلیگی ایشلری و یوتوقلرینی وطنداشلرگه ییتکزیش نی مهم وظیفه دیدی. اونینگ عالیقدر امیرالمومنین حفظه الله تعالی فرمانیگه اشاره قیلیب ایریم وزیرلیکلر و مستقل اداره لر سوزلاوچیلری ایشلری یخشیله نیشی مقصدیده یخشی هماهنگلیک، همکارلیک و وقتیده معلوماتنی شریک قیلیش نی تاکیدله دی.
سونگره اسلام امیرلیگی سوزلاوچیسی حرمتلی مولوی ذبیح الله مجاهد اوزی نینگ سوزلریده، سوزلاوچیلر ایش و خدمتلرینی مهم مسوولیت دیب ایتیشیچه، سوزلاوچی دفتری امارتی ایریم وزیرلیکلر و مستقل اداره لر سوزلاوچیلری بیلن انده سنده هماهنگلیک ییغین اوتکزیشی کیره ک و شونینگدیک حکومت نینگ ییتکرمه لر مرکزی سوزلاوچیلر قابلیتینی آشیریش مقصدیده اورگنیش برنامه لرنی اوتکزشی کیره‌ک.
اونینگ تورلی وزیرلیک و اداره‌لر سوزلاو‌چیلریگه خطاب قیلیب، اسلام امیرلیگیگه بیریلگن وعده‌نی بجریشدن تشقری، اوز کسبي بیلیملرینگیزنی آشیرینگ، اوز ذمّه‌نگیزگه یوکله‌تیلگن وظیفه‌لرنی اعلی درجه‌ده بجرینگ، تاکه وطنداشلریمیز سیزلر آرقه‌لی اسلام امیرلیگی سعی و حرکتی و یوتوتقلری حقیده خبر بولسین.
افغانستان اسلام امیرلیگی ریاست الوزراء عمومی دفتری باشلیغی حرمتلی داکتر ملا عبدالواسع ییغین اشتراکچیلری آلدیده سوزله‌گن نطقیده تورلی وزیرلیک و اداره‌لر سوزلاوچیلری اشتراکیده بولیب اوتگن هماهنگ لیک ییغیلیشیدن اوز خرسندلیگینی اظهار ایتدی و حرمتلی ریاست الوزراء باش وزیری نینگ کورسه‌تمه‌لرینی سوزلاوچیلرگه ییتکزدی و سوزلاوچیلرنینگ اوز ارا هماهنگ لیکلرینی یوقاری بهاله دی.
حرمتلی داکتر ملا عبدالواسع سوزلاوچیلردن اسلام امیرلیگی سوزلاوچیسی بیلن اوز هماهنگلیک و همکارلیکلرینی دایمی سقلب و معلمواتلرینی وقتیده شریک قیلیشلرینی سوره دی. شونینگدیک سوزلاوچی دفتری هماهنگلیگی بیلن اوز اداره لری نینگ مهم معلماتلرینی ییتکرمه لر بیلن شریک قیلیشلرینی ایسته دی.
اونینگ قوشیمچه قیلیشیچه، سوزلاوچیلر عامه‌وي اخبارات واسطه‌لری آرقلی خلققه معلومات ییتکزیش آرقلی اهالی نینگ آنگینی اویغاتیشی و عامه اعتبارینی شکللنتیریشی کیره‌ک، شونده دشمن نینگ یالغان ترغیباتیگه اساس بولمه‌یدی. اوز سوزی نینگ سونگگیده برچه سوزلاوچیلرگه ینه‌ده یخشی خدمت و ایشلریده موفقیتلر تیله‌دی.
سونگره امربالمعروف، نهی عن المنکر و شکایتلرنی ایشیتیش وزیرلیک سوزلاوچیسی حرمتلی مولوی سیف الاسلام خیبر، ایکینچلیک، سوغاریش و چارواچیلیک وزیرلیگی سوزلاوچیسی حرمتلی مولوی مصباح الدین مستعین، تشقی ایشلر وزیرلیگی سوزلاوچیسی اورین باسری حرمتلی حافظ ضیااحمد تکل، کابل امنیه قوماندانی سوزلاوچیسی حرمتلی خالد ځدراڼ ایشلری باره سیده معلومات بیریش دن علاوه، ایشلر یخشیله نیشی مقصدیده اوز ایستک و پیشنهادلرینی مفصل تیلگه آلدیلر.
سوزلاوچی دفتری آرقلی تیارلنگن پرزنتیشن و شونینگدیک تورلی وزیرلیکلر همده مستقل اداره لر سوزلاوچیلری اورته سیده گی آزاد بحث و هماهنگلیک دن سونگ اوشبو ییغین دعا اوقیلیشی بیلن توگه دی.#
