افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون سپیدار قصریده لوگر ولایتی نینگ بیر قنچه مسووللری همده یاشلری بیلن اوچره‌شدی.
بیرینچیدن بو اولتیریش‌ده مذکور مسووللر لوگر ولایتی نینگ تورلی اداره‌لری فعالیتی و یوتوقلری حقیده ریاست الوزراء سیاسی اورین باسریگه معلومات بیریب، ولایت نینگ فرهنگی، اقتصادی و اجتماعی وضعیتی باره‌سیده یاروغلیک تشله‌دیلر.
اولرنینگ ایتیشیچه، بو ولایت ده یاشلر بیلن مسووللر اورته‌سیده یخشی هماهنگلیک کیلگن و اهالی محلی اداره بیلن همکارلر.
شونینگدیک اولر سونگگی ییگیرمه ییللیک جهاد ده یاشلر کته قربانلیک بیردیلر و حاضر هم اسلامی نظام دوامی اوچون هر قندی همکارلیککه تیارلر دیب قوشیمچه قیلدیلر.
شونینیگ دیک اولر یاشلرنینگ ایش سیزلیگی، برق، رواجله‌نیش پروژه، یوللر، تعلیم و تحصیل بولیمیده‌گی قیینچیلیکلری و پیشنهادینی ریاست الوزراء سیاسی اورین باسری بیلن شریک قیلدیلر.
ریاست الوزراء سیاسی اورین باسری حرمتلی مولوی عبدالکبیر، مسووللر همده اوشبو یاشلرنینگ معلوماتیدن منتدارچیلیک قیلیشدن علاوه، اولرنینگ فعالیتینی مثبت بهالب کوپه‌یتیریشیچه، اسلام امیرلیگی ییگیرمه ییللیک کوره‌شدن سونگ اوزی نینگ هدفلریگه ایریشدی، حاضر افغانستان‌ده اشغال توگه‌گن، اسلامی نظام کیلگن و بوتون مملکت بویلب ایناغه‌چیلیک وامن فضا ایجاد بولگن.
حرمتلی مولوی عبدالکبیرنینگ ایتیشیچه، اسلام امیرلیگی مملکت آبادانلیگی و آسایشته‌لیگی اوچون کیچه و کوندوز تلاش قیله‌دی. او اوز سوزلریده، حاضرگی کونده اسلام امیرلیگی نینگ دنیاده ۴۰ نماینده‌لیگی بار و قوشنی مملکتلر بیلن تجارتی بندرلر آچیق دیر.
ریاست الوزراء سیاسی اورین باسری کوره، دنیا اسلام امیرلیگی توغریسیده‌گی حقیقتلرینی بیله‌دی کون‌ساین سیاسی تعامل آشیب بارماقده.
اوچره‌شوونینگ سونگگیده حرمتلی مولوی عبدالکبیر لوگر ولایتی مسووللری همده یاشلریگه ایستکلری کوریب چیقیلیشی اوچون تیگیشلی اداره‌لرگه بیریله‌دی دیب ایشانچ بیردی.#
