افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون خاص بیر ییغیلیش‌ده پنجشیر ولایتی مرکزی همده اولسواللیکلری نینگ بیر قنچه دین عالملری، قوم بویوکلری و جهادی قوماندانلری بیلن کابینه نینگ بیر قنچه اعضالری، پنجشیر والیسی و محلی مسووللر حضوریده اوچره‌شیب ملاقات قیلدی.
اوشبو ییغین‌ده مذکور قوم بویوکلری اسلام امیرلیگی و اسلامی نظام دن اوز آرقه‌داشلیکلرینی اطمینان بیریب ایتیشلریچه، نظام ثباتی همده سقله‌نیشی اوچون هر قندی همکارلیککه تیارلر.
پنجشیر مجاهدلری همده آقسقاللری خوشلیک قیلیب، اسلام امیرلیگیده هر قندی بیر تبعیض‌سیز و قوملرنینگ یوزیگه دروازه آچیق دیر و هر بیر افغان اوز ایستک و پیشنهادلرینی توغریدن توغری مسوول کیشیلر بیلن شریک قیله آله‌دیلر دیدیلر.
شونینگدیک اوشبو قوم بویوکلری تشقریدن توریب اسلام امیرلیگی باره‌سیده تبلیغ و مخالفت قیله دیگن کیشیلر افغانستان خصوصن پنجشیر ولایتی دن نماینده‌لیک قیله آلمه‌یدیلر و افغانلر هم اولرنی ایستمه‌یدلر.
شونینگدیک، اولر پنجشیر خلقی هیچ قچان یالغان ترغیباتلردن تأثیرلنمسلیگینی و هیچ کیم نینگ توزومگه قرشی حرکت قیلیشیگه یول قویمسلیگینی ایتیشدی.
شونینگدیک، اولر ریاست الوزراء سیاسي اورین باسریگه استنادی دیوارلر، یول قوریلیشی، ایسکی توگللنمه‌گن لایحه‌لرنی قَیته تیکلش و ولایت نینگ مأموري توزیلمه‌سینی آشیریش طلبلرینی اورتاقلشدیلر.
ییغیلیشنی دوامیده پنجشیر علمالری غلبه‌گه کوره بَیت‌المال نینگ برچه تیگیشلی ملکلری حکومتگه تاپشیریلگنینی و عینِ دَمده بو ولایتده حکومت و خلق اورته‌سیده یخشی هم‌جهتلیک بارلیگینی ایتیشدیلر.
ریاست الوزراء سیاسي اورین‌باسری حرمتلی مولوی عبدالکبیر پنجشیر علمالری و قوم بویوکلرینی قوتلر ایکن، پنجشیر مجاهدلری نینگ سابق شوروی اتفاقیگه قرشی آلیب بارگن جهادی جوده قیمتلی ایکنینی و اسلام امیرلیگی بونی قدرلشینی تأکیدله‌دی.
حرمتلی مولوی عبدالکبیر نینگ ایتیشیچه، مملکتده غرب اشغال توگه‌گندن سونگ، مستقل و کوچلی اسلامي توزوم نینگ حکمداری سوچه اسلامي توزوم، افغانستانده حاکم دیر.
اونینگ قوشیمچه قیلیشیچه، اسلام امیرلیگی هیچ قچان کمسیتیش و متعصبلیککه اورین بیرمه‌یدی و موازنتلی رواجلنیش اوچون قیته قوریش لایحه‌لرنی باشلب یوبارگن.
ریاست الوزراء محترم سیاسي اورین باسری پنجشیر بویوکلریگه مراجعت قیلر ایکن، اسلام امیرلیگی اولر نینگ برچه تکلیفلرینی کوریب چیقیشی و کیره‌ک بولسه پیشنهادلرینی اسلام امیرلیگی زعیمیگه ییتکزیشینی ایتدی.
ییغیلیش سونگیده صنعت و تجارت وزیرلیگی سرپرستی نورالدین عزیزی، امربالمعروف، نهی عن المنکر و شکایتلرنی ایشیتیش وزیرلیک سرپریتی شیخ محمد خالد حنفی، استخبارات عمومی باشلیغی ملا عبدالحق وثیق، ملی مدافعه وزیرلیگی لوی درستیزی قاری فصیح الدین فطرت و پنجشیر ولایتی والیسی حافظ محمد حکیم آغا اوز صحبتلریده پنجشیر ولایتی آقسقاللری و دین عالملری نینگ ایستکلری تیرگه‌لیشی و پنجشیر ولایتی قیینچیلیگی حل بولیشی اوچون کوپ توجه قیلینه‌دی دیب ایشانچ بیردیلر.#
