افغانستان اسلام امیرلیگی ریاست الوزاء اقتصادی اورین باسری ملا عبدالغنی برادر باشچیلیگیده مرمرین قصریده بیر ییغین بولیب اوتدی.
مذکور ییغینده گلبهار یشش - جای و تجارت مرکزینی قوریش لایحهسی تیگیشلی ادارهلر ارهسیده بحثگه آلیندی.
بو لایحه شهر یوکسلیشی و اقتصادی اهمیتی بارلیگی اوچون پرنسیپده تصدیقلنیب و تخنیکی مسالهلرنی مطالعه قیلیش نیتیده اقتصادی اورین باسرلیک باشچیلیگی آستیده بیر کمیته تشکیل ایتیلدی.
بو کمیته برچه تخنیکی، مالیهوی، اجتماعی و یشش محیطی بوییچه مفصل فعالیت یوریتیب، اوچ آی ارهسیده اوز تاپیلمه لرینی ریاست الوزاء اقتصادی اورین باسرلیگی بیلن شریک قیلهدی.
خصوصی تشبثکارلر گلبهار یشش و تجارت مرکزینی قوریش اوچون سیکیز میلیارد دالر سرمایه یاتقزیشگه تیارگرلیک کورستگن، دیمک بو مرکز 11مینگ جریب ییرلیک کته حدودده قوریلهدی. بو ییر قوریلیشی بیلن مینگلب کیشیگه باش پناه بولیشی یانیده مینگلب کیشیگه ایش زمینهسی یرهتیلیشی ممکن.#
