افغانستان اسلام امیرلیگی ریاست الوزراء اقتصاد ایشلری بوییچه اورین باسری حرمتلی ملا عبدالغنی برادر آخند باشچیلیگیده ملی تدارکات کمیسیونی چمه‌سی بیش میلیارد افغانی ارزشی بولگن ۲۷ پروژه کیلیشووینی تصدیقله‌دی و سکیز پروژه‌نی ایسه تعدیل قیلدی.
بوگون مرمرین قصریده بولیب اوتگن ملی تدارکات کمیسیونی نینگ نوبتده‌گی ییغینی آجندا اساسیده تصدیقله‌نیش اوچون ۴۷ پروژه تقدیم قیلیندی و جمله‌دن ۲۷ پروژه تصدیقلندی، ۸ پروژه تعدیل، تورت پروژه‌نینگ کیلیشیووی بیکار و باشقه سکیزته پروژه‌نینگ قیمتی توغریسیده موظف بولگن کمیته‌لرگه تاپشیریلدی تا که پروژه‌لرنی برنده بولگن شرکتلر بیلن مذاکره آلیب باریب اوزی نینگ گزارشینی ملی تدارکات کمیسیونیگه تاپشیریشی بیلدیریلدی.
تصدیقلنگن و تعدیل ایتیلگن اوشبو پروژه‌لر، غزنی ولایتی سلطان بندی، کابل شهری تهیه مسکن ایکینچی بلاکلری، لوگر و قندهار ولایتلری استیناف محکمه‌لری، کابل شهری‌نینگ بیر قنچه یوللری قیته قوریلیشی قوشیمچه ایریم ولایتلرده‌گی برقی اوسکونه‌لر و باشقه بیر قنچه پروژه‌لر شامل دیرکه اسلام امیرلیگی آرقلی تمویل ایتیله‌دی.#
