افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی عالی کمیسیون بیر قنچه اعضالری، مهاجرلر قیینچیلیگینی تیرگش عالی کمیسیون کمیته لر مسووللری و ولایت محلی مسووللری یولداشلیک قیلر ایکن جمعه کونی کنر ولایتی نینگ کنرخاص اولسواللیگیده قیتیب کیلگن مهاجرلر اوچون ینگی شهرچه آچیب بیردی.
اوشبو مراسم ده ریاست الوزراء اداری اورین باسری حرمتلی مولوی عبدالسلام حنفی نینگ سوزلریگه کوره، اسلام امیرلیگی نینگ برچه بویوکلری همده مسووللری اوز وطنداشلریگه لازم آسانلیک و خدمت قیلیش اوچون متعهدلر و بو یولده هیچ سعی و تلاشنی دریغ ایتمه یدیلر.
ریاست الوزراء اداری اورین باسری مهاجرلر قیینچیلیگینی تیرگش عالی کمیسیون باشلیغی سونگگی کونلرده ایریم قوشنی مملکتلر افغان مهاجرلرینی جبری چیقاردیلر بو ایسه قوشنیچیلیک اصولی همده خلق ارا قانونگه قرشی دیر و لیکن اسلام امیرلیگی نینگ مسووللری برچه امکانیت بیلن قیتیب کیلگنلرگه خدمت قیلیش گه تیارلر تاکه وطنداشلریمیز اوز ولایتلری همده تیگیشلی اولسواللیکلریگه قیتیب بارسه لر.
شونینگدیک حرمتلی مولوی عبدالسلام حنفی عالی کمیسیون فعالیتلری باره سیده ایتیشیچه، دستلب مملکت گه قیتیب کیله دیگن هر بیر مهاجر کمیته آرقلی خوش قرشیلنه دی، تثبیت و بایومیتریک قیلینه دی چونکه بو کیشی مهاجر وطنداشلریمیزدن بولگنی انیقلنه‌دی، کیین کمیته تامانیدن وقتینچه لیک اسکان، خیمه و باشقه تیگیشلی ایشلر بجریله دی، کیینچه لیک خدمات کمیته سی تامانیدن ساغلیق، آزیق آوقت، تازه ایچیملیک سوو و باشقه کیره کلر بویوملر تهیه قیلینه دی و سونگ مالی کمیته تامانیدن مالی یاردم کورستیله دی و شونینگدیک یکونده ترانسپورت کمیته تامانیدن اولر تیگیشلی ولایتلریگه رایگان ییتکزیله دیلر و عین حالده باشقه تیگیشلی کمیته لر آرقلی هم تاپشیریلگن وظیفه لر بجریله دی.
ریاست الوزراء اداری اورین باسری اوزی نینگ صحبتلری باشقه بولیمیده ایچکی و تشقریده گی افغانلر، ملی تاجرلر و خیر شخصلردن که مالی امکانیتلری بار خطاب قیلیب ایتیشیچه، بوندی بیر شرایط ده اولر اوز دینی و انسانی مسوولیتلرینی حد توان مهاجرلرگه کمک قیلیش ده حصه قوشیشلری کیرک و وطنداشلری قیینچیلیگی برطرف بولیشی اوچون اقدام ایتیشلری لازم دیر.
شونینگدیک او اسلامی مملکتلر و خلق ارا تشکیلاتلردن مهاجرلر حقوقی تامینله نیشی اوچون اولرنینگ معماسی تیرگلیشی توغریسیده خاص توجه قیلیشلرینی ایسته دی.
ایتیش کیره ک که ۳۸۲ جریب مساحت ییرنی اوزیگه قاپله گن بو شهرچه کنرها ولایتی نینگ کنر خاص اولسواللیگیده جایلشگن دیر شفاف بیر پروسه آرقلی مستحق مهاجرلرگه توزیع قیلینه دی.
بو مراسم سونگگیده مستحق تانیلگن بیر قنچه مهاجرگه بیر نمره لیک ییر فورمه‌سی و شونینگدیک نقدی یاردم توزیع قیلیندی.#
