افغانستان اسلام امیرلیگی ریاست الوزراء سیاسي اورین حرمتلی مولوي عبدالکبیر تیناوون کیچ قورون افغان و بیر قنچه مملکتلر تجارلری و سرمایه یاتقیزوچیلری نینگ تجارت بوییچه قوشیلیش کنفرانسیده اشتراک قیلیب نطق سوزله دی.
بو کنفرانس ده ایران، پاکستان، تورکیه و چین نینگ بیر قنچه تجارلری همده سرمایه یاتقیزوچیلر، صنعت و تجارت اتاقی مسووللری، ایران نینگ بیر قطار منطقوی مسووللری و افغان تجارلری اشتراک قیلگن ایدیلر.
مذکور کنفرانس ده تجارت و سرمایه یاتقیزیش اتاق اورین باسری حرمتلی یونس مهمندنینگ ایتیشیچه، افغانستان و منطقه نینگ بیر قنچه تجارلری اورته سیده یخشی علاقه تاپیلگن و اوشبو یول بیلن قوشمه همکارلیکلر اوچون فرصتلر یره تیلیشی خصوصیده کوشش قیلینه دی. او منطقه مملکت لریدن افغان تجارلری قیینچیلیگی توگه شی و آسانلیکلر یره تیش نی سوره دی.
اوشبو ییغین ده ایران اسلام جمهوریتی سیستان بلوچستان والیسی اورین باسری علیرضا مرحمتی نینگ ایتیشیچه، افغانستان ده اسلام امیرلیگی آرقلی خصوصی سکتور قوللب قووتله نیشی جدی اعتبارگه ایگه دیر هنوزگچه هیچ بیر مملکت ده تاجرلر بو قدر حمایت بولمه گن. او افغانستان تاجرلری نینگ رواجله نیش اوچون بیرلیک و کوچلی روحیه لرینی آلقیشله دی.
چابهار بندری نینگ مدیره هیاتی باشلیغی حمیرا ریگی نینگ اطمینان بیریب ایتیشیچه، مملکتی چابهار بندریده گی فعالیت اوچون لازم آسانلیکلرنی یره ته دی. افغانستان و ایران اسلام جمهوریتی اورته سیده تجارتی علاقه لر کینگه یشی اوستیده تاکیدله دی او.
شونینگدیک مذکور کنفرانس ده چیقیش قیلگن صنعت و تجارت وزیرلیگی سرپرستی نورالدین عزیزی، اسلام امیرلیگی تجارلرنی هر تامانلمه حمایت قیله دی و چابهار بندری فعالیتلری توغریسیده ایران تامانی بیلن ثمره لی مذاکره لر آلیب باریلگن.
کیینچه لیک ریاست الوزراء سیاسی اورین باسری حرمتلی مولوی عبدالکبیر اوزی نینگ صحبتلریده ایچکی همده تشقی تجارلرگه تشکرلیک قیلیش دن علاوه، اسلام امیرلیگی افغانستان و منطقه مملکتلری بیلن اقتصادی و تجاری همکارلیکلر بوییچه علاقه لرنی کینگه یتیریش اوچون تلاش ایته دی دیدی.
حرمتلی مولوی عبدالکبیرنینگ ایتیشیچه، افغانستان ده تورلی سکتورلرده سرمایه یاتقیزیش اوچون یخشی فرصتلر بار و خلق ارا کمپنیلر و سرمایه یاتقیزوچیلردن افغانستانگه سرمایه کیریتیشلرینی ایسته دی.
بوندن تشقری، ریاست الوزراء سیاسي اورین باسری قوشنی دولتلردن افغانستان تجارلری دوچ کیله‌یاتگن توسیق و قیینچیلیکلرنی برطرف ایتیشنی سوردی، چونکه افغان سرمایه‌دارلری اوچون معما یره‌تیش، یوللرنی توسیب قوییش و سالیقلرنی ناقانوني آشیریش افغانستان و قوشنی دولتلراورته سیده گی اقتصادی همکارلیکلرگه گه ضرر ییتکزه‌دی دیدی.
ریاست الوزراء سیاسي اورین باسری اسلام امیرلیگی هم تجارت ساحه‌سیده مقابل یوللر حقیده اویله‌یاتگنی و افغانستان نینگ تورلی دولتلر بیلن اقتصادي بیتیملر آلیب باریشینی ایستشینی توشونتیردی.
حرمتلی مولوی عبدالکبیر اسلام امیرلیگی منطقوي سودا و ترانزیتنی مستحکملش و کینگه‌یتیریشنی ایستشینی، افغانستان بو ساحه‌ده هر قنده‌ی همکارلیککه تیارلیگینی و منطقه دولتلری اوز مسوولیتینی ادا ایتیشی و بو باره‌ده اوز تیارلیگینی کورسه‌تیشی ضرورلیگینی تأکیدله‌دی.
ریاست الوزراء سیاسي اورین‌باسری نینگ ایتیشیچه، اسلام امیرلیگی یخشی مناسبتلر و اوز ارا همکارلیک پیامیگه ایگه و هېچ کیم بیلن اوروش یاکه قیینچیلیک توغدیرماقچی ایمس. شونینگدیک، او افغان قاچقینلری اوچون قوشنی دولتلرگه اوز منّتدارچیلیگینی بیلدیریب، افغانستانده هوا ساویشی بیلن افغان قاچقینلرینی مجبوري چیقاریلیش نینگ آلدینی آلیشنی سوردی.#
