افغانستان اسلامی امیرلیگی ریاست الوزراء دفترینینگ عمومی باشلیغی محترم داکتر ملا عبدالواسع بوگون توشدن آلدین قزاقستان جمهوریتی ایلچیسی گازیز اکباسوف جنابلری بیلن ارگده اوچرهشدی.
اوشبو اوچرهشووده، دستلب قزاقستان ایلچیسی قزاقستان و افغانستان اورتهسیدهگی یخشی و تاریخی مناسبتلرنی تیلگه آلیب، او افغانستاننی ایکینچی اویی صفتیده کوریشینی و مملکتلر ارا علاقهلرنی مستحکملشگه اولویت بیریشینی ایتدی.
او، افغانستان و قزاقستان اورتهسیدهگی ییللیک سودا جریانی تقریبن ۵۰۰ میلیون دالرنی تشکیل اوتیشینی و مملکتی افغانستانده سرمایه یاتقیزیش همده سودانی رواجلنتیریش آرقهلی بو مقدارنی ۳ میلیارد دالرگه ییتکزیشنی مقصد قیلگنینی بیلدیردی.
قزاقستان جمهوریتینینگ ایلچیسی اوز مملکتینینگ افغانستانده کانچیلیک شعبهسیده سرمایه یاتقیزیشگه تیار ایکنلیگینی بیان قیلیب، بو بارهده ریاست الوزراءنینگ اقتصادی اورین باسری بیلن ایجابی مذاکرهلر آلیب باریلگنینی معلوم قیلدی.
عینی حالده قزاقستاننینگ کابلدهگی ایلچیسی تورغندی-هرات و کندهار-سپین بولدک تیمیر یولی لایحهلریگه قیزیقیش بیلدیریب، قزاقستان مذکور ۵۰۰ میلیون دالرلیک تیمیر یول لایحهسیده سرمایه یاتقیزیشگه تیار ایکنینی اورغولهدی ومذکور لایحهلردهگی پیشرفتنی مهم، دیب اَتَهدی
او، قزاقستان اقتصادی همکار صفتیده، افغانستانگه یاقیلغی(تیل) و دارو - درمان یوباریشگه رخصت بیرگنینی و بو آدیم افغانستان و قزاقستان اورتهسیدهگی سودا علاقهلرینی آلدیدن هم کوپراق رواجلنتیریشینی تأکیدلهدی.
شونینگدیک، ریاست الوزراء دفترینینگ عمومی باشلیغی حرمتلی داکتر ملا عبدالواسع قزاقستان ایلچیسینی خوش کیلیبسیز دیب، اونینگ ایکی مملکت اورتهسیدهگی علاقهلرنی رواجلنتیریش و مستحکملش یولیدهگی سعی-حرکتلری اوچون منتدارچیلیک بیلدیردی.
حرمتلی داکتر ملا عبدالواسع، افغانستانده خوفسیزلیک تأمینلنگنی اقتصادی فعالیتلرنی رواجلنتیریش و سرمایه یاتقیزیش اوچون یخشی فرصت یرهتلگنلیگی و اسلامی امیرلیک بو امکانیتنی افغانستاننینگ اوز-اوزینی تامینلشی اوچون مهم اولویت صفتیده کوریشینی ایتدی.
ریاست الوزراء دفترینینگ عمومی باشلیغی سوزینینگ سونگیده، کوتاریلگن برچه مسالهلر کوزلنگن نتیجهلرگه ایریشیش اوچون جدی تعقیب ایتیلیشی بارهسیده ایشانچ بیردی. #
