افغانستان اسلام امیرلیگی ریاست الوزراء اقتصاد اورین باسری حرمتلی ملا عبدالغنی برادر آخند بوگون کابل ولایتی پغمان اولسواللیگی ارغندی ترانسپورت ترمینل ایشلرینی باشله دی. انه شو مناسبت بیلن اوتکزیلگن مراسم ده ترانسپورت و هوا یوللری وزیرلیگی سرپرستی ملا حمیدالله آخوندزاده، خصوصی سکتور نماینده لری و بیر قنچه یشاوچیلر حضوری بار ایدی.
ریاست الوزراء اقتصاد اورین باسری ارغندی ترانسپورت ترمینلی قوریلیشی مملکت ترانسپورت زیربناسی بولیمی رواجله نیشی اوچون هم دیب ایتیشیچه، معیاری ترانسپورتی زیربنالر کینگه یشی بیر ممکلت نینگ ایچکی و منطقه وی اتصالی، رواجله نیشی و اقتصادی اوسیشی اوچون مهم اساسی قدم حسابنله دی.
ملا برادر آخندنینگ سوزلریگه کوره، مملکت ده نیچه اون ییل دوام ایتگن اوروش همده فساد سبب بو مهم بولیمگه توجه بولمه گن دیر، لیکن بو توغریده گی موجود آستقورمه لر صفتی بولمه گنی اوچون ویران بولگن، عامه ملکیت لر کیشیلر تامانیدن غضب ایتیلگن و شاه یوللر همده جاده لر محدود بولگن.
حرمتلی ملا عبدالغنی برادر معیاری ترانسپورت آستقورمه سی ارزشی گه اشاره قیلیب ایتیشیچه، ترانسپورتی و قتناو یوللر قوریلیشی اوچون سرمایه یاتقیزیش، غصب ایتیلگن ییرلرنی قیته دن قیتریب آلیش، اصلی جاده لر و حریم لرنی انیقلب قوریش، افغانستان اسلام امیرلیگی نینگ مهم و ملی اساسی هدفلریدن سنه له دی. بوگون ارغندی ترانسپورت ترمنیلی نینگ قوریلیش ایشی عملده باشلنه دی که بونده ۲۴ ته مهم تاسیسات هم قوریلیشی کوتیله دی.
حرمتلی ملا صاحب نینگ کوپه یتیریشیچه، اسلام امیرلیگی زمانوی امکانات و ضرورتلرگه توجه قیلگن حالده، ترانسپورت آستقورمه لر کینگه یتیریلیشی اوچون ایمس، بلکه باشقه زیربنایی و استراتیژیک مقصدلرگه ایریشیش اوچون اوزی نینگ تلاش لریگه دوام بیره دی.
بو مراسم سونگیده ریاست الوزراء اقتصادی اورین باسری بو مهم پروژه باشله نیشی هم وطنداشلریمیزگه تبریکلب، مذکور شرطنامه امضاله گن شرکت دن بونینگ قوریلیش ایشینی صفتلی همده تعیین بولگن زمانده توگه تیشینی سوره دی.
ایتیش کیره ک که کابل ولایتی ارغندی ترانسپورت ترمینلی ۹۰۰ جریب ییرده بیر میلیارد ۲۸۵ میلیون افغانیده قوریله دی بونینگ قوریلیش ایشی خصوصی سکتور آرقلی ایکی ییل ایچیده تکمیل بولیشی مول جللگن. بو ترمینل قوریلیشی بیلن ترانسپورت آسانلیک کوپه یه دی، تیزلیک ده ییتکزیش و تیگیشلی ایشلر یخشی بولیشی اوچون مهم نقش اوینه دی، ترانسپورتی خرجت همده ترافیک قیینچیلیگی کمیه دی و بیر قنچه وطنداشلریمیزگه ایش زمینه سی یره تیله دی.#
