افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی، بوگون توشدن آلدین بیرلشگن ملتلر تشکیلاتی نینگ بالهلرنی قوللب-قوتلش صندیغی (یونیسف) وکیلی و بیرلشگن ملتلر تشکیلاتینینگ افغانستاندهگی انسانسیورلیک یاردملر مسئولی داکتر تاجالدین اویوال و اونینگ همراهلیگیدهگی هیئت بیلن اوچرهشدی.
اوشبو اوچرهشووده، دستلب داکتر تاجالدین اویوال مستحق کیشیلرگه، اینیقسه قیتگن مهاجرلرگه بشردوستلیک یاردملرنی ییتکزیب بیریش بوییچه اسلام امیرلیگینینگ همکارلیکلریدن منتدارلیک بیلدیریب، بیرلشگن ملتلر تشکیلاتی، اینیقسه یونیسف افغانستان خلقی بیلن همکارلیک قیلیشگه عهد قیلگنینی و قیتگن مهاجرلر اوچون کوپراق بشردوستلیک یاردملرنی ییتکزیب بیریشگه حرکت قیلهیاتگنینی ایتدی.
شونینگیدک یونیسف وکیلی و بیرلشگن ملتلر تشکیلاتی نینگ افغانستاندهگی انسانسیورلیک یاردملر مسئولی، اوشبو موسسه و افغانستان اسلام امیرلیگی مسئوللری اورتهسیدهگی مشترک ایشلر نتیجهسیده حاضرگچه ۴۵ مینگ کیشیگه ایش زمینهسی یرهتیلگنینی ایسلب، اوشبو نهاد مهاجرلر شهرچهلرینی قوریش و افغانستان یشاوچیلری اوچون ایش زمینهلرینی یرهتیش بوییچه همکارلیک قیلیشگه تیار ایکنینی بیلدیردی.
انهشو حالده، ریاست الوزراء اداری اورین باسری حرمتلی مولوی عبدالسلام حنفی، یونیسف وکیلی و بیرلشگن ملتلر تشکیلاتی نینگ افغانستاندهگی بشردوستلیک یاردملر مسئولی و اونینگ همراهلیگیدهگی هیئت بیلن اوچرهشگنیدن خرسندلیک بیلدیریب، بیرلشگن ملتلر تشکیلاتینینگ، اینیقسه یونیسفنینگ بشردوستلیک یاردملریدن منتدارلیک بیلدیریب، بیرلشگن ملتلر تشکیلاتی زیان کورگنلرنی قوللب-قوتلش بوییچه هر دایم اوز وقتیده عمل قیلگنینی و تورلی ترماقلرده سیزیلرلی یاردملر بیرگنینی ایتدی.
ریاست الوزراء اداری اورین باسری شونینگدیک، اوشبو نهادنینگ شهرچهلر قوریش و مهاجرلر اوچون اوی-جای ییتکزیب بیریش بوییچه تیارلیگینی آلقیشلهدی و افغانستان اسلام امیرلیگی بو یولده برچه قولهیلیکلرنی یرهتیب بیریشینی قوشیمچه قیلدی.
او سوزلرینینگ آخریده یاشلر اوچون ایش اورینلرینی یرهتیش موضوعیگه تأکید قیلیب، افغانستان اسلام امیرلیگی بو ترماقده هماهنگلیک قیلیشده تیار ایکنینی بیلدیردی.#
