افغانستان اسلام امیرلیگی ریاست الوزراء سیاسي اورین باسری حرمتلی مولوی عبدالکبیر بوگون علیحده ییغیلیشلرده لوگر و بغلان ولایتلری نینگ بیر قطار قوم بویوکلری و آقسقاللری بیلن اوچره‌شدی.
بیرینچی اوچره‌شووده لوگر ولایتی نینگ محمد آغه تومنی قبیله باشلیقلری اسلام امیرلیگی چتری آستیده‌گی مملکتده‌گی تینچ و نارمل حیاتدن خورسند ایکنلیکلرینی بیلدیریب، مقّدس مجاهدلر و افغان خلقی نینگ فداییلیکلری عوضیگه بوگون افغانلر اسلامی نظام نینگ ایگه‌لری ایکنینی قوشیمچه قیلدیلر.
اولر نینگ ایتیشیچه، افغانلر اسلام امیرلیگی نینگ مملکت رونقی یولیده عملگه آشیره‌یاتگن قوریلیش و آبادانلشتیریش لایحه‌لرینی یوقاری بهاله‌یدی و اولرنی دوام ایتتیریشنی خواهله‌یدی.
ینه بیر ییغیلیشده بغلان ولایتی نینگ بیر قطار قوم بویوکلری مسووللر نینگ ایشیکلری خلق اوچون آچیق بولیب، اولر نینگ معمالریگه ییچیم تاپیلیشی اسلامي توزوم نینگ یخشی تامانی ایکنینی تأکیدله‌دیلر. اسلامي توزوم هر بیر افغان نینگ طلبی بولگن و بوگون بو طلب بجریلدی، دیدی اولر.
ریاست الوزراء سیاسي اورین‌باسری حرمتلی مولوی عبدالکبیر مذکور قوم بویوکلریگه منّتدارچیلیک بیلدیریب، اسلام توزومی برچه افغانلر نینگ همکاری ایکنینی تاکیدلب، اسلام امیرلیگی خلققه قوله‌یلیکلر یره‌تیش و اولر نینگ معمالرینی حل قیلیش اوچون حرکت قیله‌یاتگنینی قوشیمچه قیلدی.
مملکتده اسلامي توزومنی مستحکملش، تینچلیک، فراوانلیک و ترقیات یولیده آدملر قول قاووشتیریشی ضرور دیدی او.
شونینگدیک، حرمتلی سیاسی اورین باسر لوگر و بغلان ولایتلری اهالیسی نینگ معمالرینی حل ایتیش بوییچه تیگیشلی اداره‌لرگه ضرور کورسه‌تمه‌لر بیریشگه وعده بیردی.#
