افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ ارشاد، حج و اوقاف وزیرلیگی سرپرستی حرمتلی شیخ القرآن و الحدیث مولوی نور محمد ثاقب حضوریده ازبکستان عالملر یوقاری مرتبه‌لی هیاتی بیلن اوچره‌شدی.
اوچره‌شووده بیرینچیدن ازبکستان مفتی اعظمی حرمتلی شیخ نورالدین خالق نظرنینگ ایتیشیچه، افغانستان و ازبکستان نینگ دینی، تاریخی و فرهنگی مناسبتی بار و بو مشترکاتلرگه قره‌گنده علاقه‌لریمیزنی تورلی بولیملرده کینگه‌یتیره اله‌میز.
ازبکستان مفتی اعظمی همده هیات باشلیغی نینگ قوشیمچه قیلیشیچه، بونده‌ی سفرلر ارزشمند فرصتلر، فرهنگی علاقه لر، ایشانچ‌لر و مشترک ارزش لر اوچون یخشی فرصتلرنی یره‌ته‌دی مین و یولداش هیات بوندی یخشی فرصت دن دییرلی فایده له‌نیش اوچون تلاش قیله میز و هر ایکی مملکت مناسبتی کوچه‌یشی توغدیسیده اولگوره‌میز.
کیینچه‌لیک ریاست الوزراء سیاسی اورین باسری حرمتلی مولوی عبدالسلام حنفی جنابلری ازبکستان عالملر هیاتینی خوش کیلیب سیزلر دیب، اوشبو هیات نینگ افغانستانگه سفرینی هر ایکی مملکت اورته‌سیداگه دوستلیک، قوشنیچیلیک و مشترک منفعتلرنینگ نشانه‌سی دیدی.
ریاست الوزراء اداری اورین باسری اوشبو سفر بوندی بیر امکانیتلرنی یره‌ته‌دیکه مشترکاتلر اساسیده هر ایکی قوشنی دولت اورته‌سیده ینگی همکارلیک زمینه‌سی ایجاد بوله‌دی و علاقه‌لر کوچه‌یشی خصوصیده ثمره‌لی قدملر کوتریله‌دی دیب تیلگه آلدی.
شونینگدیک ریاست الوزراء اداری اورین باسری حرمتلی مولوی عبدالسلام حنفی افغانستانده وجودگه کیلگن فرصتلرگه اشاره قیلیب ایتیشیچه، هیات نینگ سفری هر ایکی تامانلمه علاقه کوچه‌یشیگه باعث بوله‌دی.#
