افغانستان اسلامی امارت ریاست الوزرا ء سیاسی معاونی حرمتلی مولوی عبدالکبیر بوگون شنبه ۳۱ ثور سپیدار قصریده ناروی نینگ افغانستان بوییچه ایلچیسی اندری لیدیمن بیلن اوچره شیب ملاقات قیلدی.
باشله نیشده ریاست الوزرا ء سیاسی معاونی حرمتلی مولوی عبدالکبیر ناروی و افغانستان دوستلیک علاقه سی و بو علاقه نینگ تاریخیگه اشاره قیلدی.
مولوی عبدالکبیر ناروی نینگ افغانستان ده تینچلیک اورنه تیلیشی باره سیده گی سعی و حرکت لرینی اینیقسه یقین ده اسلوده افغانستان بوییچه الیب باریلگن تینچلیک مذاکره لرنی اروپا و اسلامی امارت هیایتی اورته سیده یوزمه یوز اوچره شوو اوتکزگنینی یوقاری بهاله دی و نارویگه افغانستانگه ماین تازه لش پروژه سیگه یاردمی اوچون منتدارچیلیک بیلدیردی.
ریاست الوزراء سیاسی معاونی نینگ کوپیتیریشیچه، افغانستان اسلامی امارت ناروی شامل برچه دولت لر بیلن دوستانه مناسبت ده بولیشنی ایسته‌یدی.
بو اوچره شووده ناروی ایلچیسی اندرس لیندمن جنابلری، مملکتی افغانستان بیلن یخشی مناسبت ده بولیش و دایمی دوستلیک، مشترک ایش و سیاسی تعامل ایسته یدی دیدی.
اونینگ سوزلریگه کوره، ناروی افغانستان اسلامی امارت گه قرشی هیچ بیر قوراللی مخالف نی حمایت قیلمه یدی.
اندرس لیدمن، ناروی افغانستان اوچون دوستانه علاقه و دایمی سیاسی بحثلرنی الیب باریشگه تیار دیدی.
او ریاست الوزراء نینگ سیاسی اورین باسری گه دولت اداره لریده خاتین قیزلر ایشی، قیزلر تحصیلی، حجاب، همه شمول حکومت، افغانستان شخصیت لری بیلن تماس آلیش کمیسیون، طرزالعمل، و اسلامی امارت نینگ تشکیلاتیدن ایریم اداره لرنینگ حذف بولگنی باره سیده معلومات سوره‌دی و بو حقده ریاست الوزراء سیاسی معاونی حرمتلی مولوی عبدالکبیر هر باره ده به تفصیل جواب قیتیردی.
