افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین ۱۴۰۳- ییل کانکور سیناوی نتیجه سینی اعلان قیلیش مناسبتی بیلن حکومت نینگ ییتکرمه لر مرکزیده اویوشتیریلگن ییغین ده اشتراک قیلیب نطق سوزله دی.
بو مراسم ده دستلب ریاست الوزراء اداری اورین باسری اوزی نینگ صحبتلریده بو مراسمنی اوتکزگن سیناو ملی اداره سی رهبریت هیاتی و حکومت نینگ ییتکرمه لر مرکزی مسووللریگه تشکرلیک بیلدیردی.
حرمتلی مولوی عبدالسلام حنفی، انسانلرنینگ یاشیرون استعدادلری سیناولر آرقلی تربیه و پرورش ایتیله دی ایچکی و یاشیرون قابلیتلر سیناو اوتکزیش بیلن بیلگیلنه دی و بالقوه حالت دن فعالیت باسقیچیگه ییتیشه دی.
ریاست الوزراء اداری اورین باسری نینگ کوپه یتیریشیچه، خرسندلیک اورنی دیر که ینه بیر بار عزیز اوقوچیلریمیز ییل جریانیده درس اوقیگنلر، اوخله مسدن محنت قیلیب ییریک تکلیفلرنی متقبل بولیب ۱۴۰۳ کانکورده اشتراک قیلدیلر، بوگون نتایج اعلان قیلینه دی و سعی و تلاشلری نینگ ثمره سینی قولگه کیریته دیلر.
اونگه کوره، سیناوده کیمسه یخشی نتیجه نی قولگه کیریتیب موفق و کامیاب بولگن حالده طبیعی خوشحال بولیب خرسند بوله دی و یخشی صورتده درس اوقیمه ی و قیمتلی وقتلرینی غیر ضروری ایشلرگه صرف ایتگن کیمسه لر سیناوده کوزله گن نتیجه نی قولگه کیریته آلمه یدیلر.
ریاست الوزراء اداری اورین باسری بوگون ینه هم کامیاب بولگن اوقووچیلر ایچیده، بیر قطار یاشلر هم بار کو بو ییل کانکورنینگ اینگ اوستونلریدن بوله دیلر و اولرنینگ آتی انیقلنه دی و آلدیندن اولرنینگ اوزی، حرمتلی عایله لری، قدرلی استادلری و بوتون افغانستان ملتیگه چین کونگیل دن تبریکلب و اولرگه اولکن موفقیتلر ایسته یمن.
اونینگ شونینگدیک بو ییل کانکور سیناویده آز نمره قولگه کیریتیب مملکت بیلیم یورتلری همده عالی تحصیلات موسسه لریگه یول تاپمه گن اوقووچیلرگه خطاب قیلیب ایتیشیچه، اولر مایوس بولمسلیگی کیره ک و ییل جریانیده درس اوقیب و سعی و حرکت ایتیب کیلگوسی سیناوده موفق بولیشلری درکار.
حرمتلی مولوی عبدالسلام حنفی اسلام امیرلیگی تامانیدن برچه مرحله لرده باشلنغیچ دن لیسه گچه، تخنیکی و مسلکی تعلیمات دن عالی تحصیلاتگچه عزیز محصللر و اوقوچیلرگه برچه امکانیتلرنی یره تیب بیرگن دیر و اولردن ایسته یمیز که آلتین وقتلرینی بی وقت ضایع قیلمس دن یخشی و عالی نتیجه لرنی قولگه کیریتیب عزیز اولکه میزنی آباد قیلسینلر.
ریاست الوزراء اداری اورین باسری اوزی نینگ صحبتلری اداغیده ایتیشیچه، ترقیاتگه ایریشگن افغانستان عزیز یاشلرنینگ سعی و تلاشی نتیجه سیده میسر بوله دی، بیزلرنینگ ییریک عالملر، داکترلر، انجنیرلر و متخصصلرگه ضرورتیمیز بار و اوقووچیلریمیز کیله جکلرده عزیز اولکه میز اوچون فایده لی تمام بولیش مقصدیده جدی کوشش قیلیشلری کیره ک.#
