افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین جوزجان ولایتی مردیان اولسواللیگی نینگ بیر قنچه علما همده آقسقاللری بیلن کوریشدی.
اوچره شووده دستلب اوشبو عالملر اولسواللیک نینگ اجتماعی، اقتصادی و امنیتی وضعیتی باره سیده ریاست الوزراء اداری اورین باسرلیگیگه معلومات بیردیلر.
اولرنینگ سوزلریگه کوره، افغانستان اوزاق ییللر نابرقرارلیک خوفسیزلیک دن سونگ تینچلیککه ایریشدی و بو ایسه شبهه سیز اسلام امیرلیگی مجاهدلری همده مسووللر سعی و تلاشی نینگ نتیجه سی دیر.
شونینگدیک مردیان اولسواللیگی نینگ عالملری ینه آقسقاللری مدرسه لر، مکتبلر، ساغلیقنی سقلش مرکزلری، قتناو یوللر و رواجله‌نیش ایشلری کبی موضوعلرنی تیلگه آلیب اسلام امیرلیگی مسووللریدن بو توغریده خاص توجه قیلیشلرینی ایسته دیلر.
کیینچه لیک افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی جنابلری اولرنی خوش کیلیب سیزلر دیب، مردم گه خذمت قیلیش او لرنینگ امنیتینی تامینلش اسلام امیرلیگی مسووللری نینگ وظیفه‌سی حسابلنه دی و اسلام امیرلیگی نینگ مسووللری مرکز همده ولایتلرده ایریم بولیملرده مردمگه خذمت قیلیش اوچون کیچه و کوندوز تلاش قیله دیلر دیدی.
ریاست الوزراء اداری اورین باسری مردیان اولسواللیگی علما همده آقسقاللری تامانیدن بیلدیریلگن موضوعلر خصوصیده اسلام امیرلیگی سیزلرنینگ ایستکلرینگیزنی تیکشیریب بو باره ده امکان قدر لازم چاره تدبیر کوره دی دیب قوشیچه قیلدی.
