افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون المپیک‌ده آسیا کینگشی سپورانی رواجلنتیریش و کورش خلق ارا فدراسیون باشلیغی حرمتلی حیدر فرمان و یولداش هیاتی بیلن اوچره‌شدی.
المپیک، بدن تربیه‌لش و سپورت عمومی باشلیغی مولوی احمدالله وثیق و باشقه بیر قنچه مسووللر حضوی بولگن بو اوچره‌شووده، حرمتلی حیدر فرمان اوزی نینگ افغانستانگه بولگن سفریدن خوشلیک بیلدیریب ایتیشیچه، اسلام امیرلیگی حلکمیتیده افغانلر جماعتی غرب رسانه‌لری همده سیاستچیلری نینگ فکریگه قره‌گنده، بوتونلی فرقلی یشه‌یدیلر.
اونینگ ایتیشیچه، افغانستان اویینلری مناسبتی بیلن کوپلب افغان رسميلری بیلن ایجابي اوچره‌شوولر اوتکزگن و تورلی ساحه‌لرده افغان فوتبالچیلری بیلن همکارلیک قیلیش و تجربه المشیش اوچون امکانیتلر یره‌تیشگه حرکت قیلماقده.
اونینگ تأکیدلشیچه، افغان فوتبالچیلری یخشی یوتوقلرگه ایریشگن و تیگیشلی خلق‌ارا تشکیلاتلرنی کیلیب وضعیتنی یقیندن کوریشگه پیشنهاد قیلیش ضرور.
فرمان جنابلری اوز سوزی نینگ سونگگیده سپورتنی اسلام امیرلیگی نینگ دنیا بیلن علاقه‌لری اوچون یخشی امکانیت ایکنینی تیلگه آلیب، ایکّی تامانله‌مه همکارلیککه علیحده اورغو بیردی.
ریاست الوزراء سیاسي اورین‌باسری حرمتلی مولوی عبدالکبیر خلق‌ارا کورش فدراسیونی باشلیغی حیدر فرمان و اونگه همراه بولگن هیئتنی خوش قرشیلر ایکن، افغان یاشلری نینگ اینگ یخشی قابلیبلری بارلیگینی و سونگگی بیر نیچه آی ایچیده اوز کوچلرینی اثباتله‌گنینی تاکیدله‌دی.
حرمتلی سیاسي اورین باسر خلق‌ارا سپورت تشکیلاتلری افغان سپورتچیلری و تیگیشلی مؤسسه‌لر بیلن همکارلیکنی کوچه‌یتیریشی، تجربه المشیشگه اوستوار اهمیت قره‌تیشی لازملیگینی قوشیمچه قیلدی.
محترم مولوی عبدالکبیر اسلام امیرلیگی اوز سپورتچیلرینی هر تامانله‌مه قوللب-قوّتلشی و سپورت امکانیتلرینی آشیریش اوچون تیگیشلی خلق‌ارا تشکیلاتلر بیلن هر قنده‌ی همکارلیککه تیارلر.
حرمتلی ریاست الوزراء اورین‌باسری اوز سوزی نینگ سونگگیده اسلام امیرلیگیده یاش اولادنی تربیه‌لش و اولرنی تیگیشلی ساحه‌لرگه جلب ایتیش بوییچه ریجه‌لر ایشلب چیقیلگنی و مملکتده گیاهوند مادّه‌لر ییتیشتیریش و اوندن فایده‌لنیش نینگ آلدینی آلیش طفیلی حاضرگی کونده افغانلر یاشلر کوپ ناتوغری خطی-حرکتلردن قَیتریلدی.#
