افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون ۱۴۰۳- ییل کانکور سیناوی نتیجه سی اعلان قیلینیشی مناسبتی بیلن اویوشتیریلگن مراسمیده اشتراک قیلیب نطق سوزله دی.
اوشبو مراسمده ریاست الوزراء اداری اورین باسری حرمتلی مولوی عبدالسلام حنفی، کابینه نینگ بیر قطار اعضالری، سینا ملی اداره سی باشلیغی و بیر قنچه اداره لرنینگ مسووللری هم قتنشگن ایدیلر.
ریاست الوزراء سیاسی اورین باسری حرمتلی مولوی عبدالکبیر کانکور سیناویده اشتراک قیلگنلرنی تبریکلب ایتیشیچه، بو سیناده موفقیت گه ایریشمه گن اوقووچیلر نا امیدسیز بولمسدن درسلرینی منتظم روشده اوقیب کیله جک سیناوده تیارگرلیک کوریشلرینی ایسته دی.
ریاست الوزراء سیاسی اورین باسری حرمتلی مولوی عبدالکبیر نینگ سوزلریگه کوره، حاضرگی کونده مملکت ده ایریم پروژه لر جمله دن قوش تپه کانالی کبی ییریک لایحه‌لر افغان کادرلری و متخصصلری تامانیدن ایلگری آلیب باریله دی و اسلام امیرلیگی ینه هم یاشلرگه اوقیش و اورگنیش اوچون زمینه لرنی یره تیب بیریشگه اولگوره دی.
شونینگدیک مدرسه بیلن مکتب اورته سیده گی فرق اورته دن کیتگنی باره‌سیده اشاره قیلیب گپیرگن سیاسی اورین باسر اوقیتووچیلرگه خطاب قیلیب ایتیشیچه، مملکت فرزندلرینی تربیه لش گه کوپراق اعتبار قره تیش لازم و اوقووچیلردن درس گه اولویت بیریشلرینی سوره‌دی.
شونینگدیک حرمتلی مولوی عبدالکبیر چین و روسیه نینگ افغانستان اسلام امیرلیگی توغریسیده خلق ارا مساله لر بوییچه موضوعینی تقدیرلب ایتیشیچه، حاضرگی کونده اسلام امیرلیگی نینگ ۴۰ سیاسی نماینده لیگی مملکتدن تشقریده فعال دیر.
ریاست الوزراء سیاسی اورین باسری منطقه ایریم مملکتلر نا توغری معلومات اساسیده اوز منفعتلریگه تبلیغ قیله دیلر و نا درست اظهاراتلرنی تیلگه آله دیلر دیب ایتیشیچه، لیکن اسلام امیرلیگی نینگ موضوعی یارقین دیر هیچ کیم افغانستان توپراغیدن تهدید بولمه‌یدی و مملکت لر اوز تاملری اوستیده گی قارنی افغانستانگه تشله مسلیکلری لازم دیر.
شونینگدیک اونینگ قوشیمچه قیلیشیچه، اسلام امیرلیگی اوزی نینگ تشقی اقتصادیگه یونلتیریلگن سیاسیتی اوچون تلاش قیله دی و منطقه همده قوشنی مملکتلر بیلن یخشی مناسبت قورگن، لیکن بو موقف هیچ بیر پیت اسلام امیرلیگی نینگ ضعفی اوله راق تعبیر بولمه‌سین.
عین حالده سیاسی اورین باسر افغانستان بوییچه هیچ کیم نینگ بویروغی قبول قیلینمه یدی، ایریم عیبلاولر و بویروقلر اورنیده حقیقتلر همده رواجله نیش همکارلیکلر اوستیده تمرکز بولیشی کیره ک دیر تاکه بو فرصت لردن فایده له نیب قوشمه همکارلیک زمینه سی یره تیلسه.
اوشبو مراسمده ریاست الوزراء اداری اورین باسری حرمتلی مولوی عبدالسلام حنفی مملکت نی ترقیاتی و رواجله نیشی اوچون اولکه نینگ متخصص و تجربه لی یاشلرگه ضرورتی بار دیب تیلگه آلدی.
حنفی جنابلری نینگ سوزلریگه کوره، سیناو یاشیرون قابلیتلر همده استعدادلرنی آشکار بولیشی اوچون مهم بیر مرحله دیر دیب، سیناوده موفق بولگن اوقووچیلرنی تبریکلب اولردن و قتلرنی بی وقت صرفلمس دن افغانستان آبادانلیگی اوچون تلاش قیلیشلرینی طلب قیلدی.
عین حالده، اوشبو مراسمده مملکت سیناو ملی اداره سی نینگ باشلیغی حرمتلی مولوی عبدالباقی و باشقه بیر قنچه بلند مرتبه لی رسمیلر هم اشتراک قیلگن ایدیلر.
بو ییل کانکور سیناویده بیرینچی اوریننی کابللیک اتل خان ۳۵۹.۶۱نمره قولگه کیریتیش بیلن کابل طب بیلیم یورتیگه یول تاپیب موفق بولدی.#
