افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون بادغیس ولایتی نینگ بیر قنچه دین عالملری همده مجاهدلری بیلن ملاقات قیلدی.
بو اوچره شووده حرمتلی مولوی جمال الدین باشقه لر نماینده لیگیده بادغیس ولایتی نینگ خوفسیزلیک، اقتصاد و اجتماعی وضعیتی باره سیده ریاست الوزراء اداری اورین باسریگه هر تامانلمه معلومات بیردی.
شونینگدیک حرمتلی مولوی جمال الدین ایریم موضوعلر جمله دن تعلیم و تربیه، ساغلیقنی سقلش، قتناو یوللر و ترقیات پروژه لر یولگه تشله نیشی اوستیده اشاره قیلیب اسلام امیرلیگی نینگ مسووللریدن بو موردلرگه جدی توجه قیلیشلرینی سوره دی.
ریاست الوزراء اداری اورین باسری حرمتلی مولوی عبدالسلام حنفی بادغیس ولایتی دین عالملری همده مجاهدلری بیلن اوچره شگنیدن خرسندلیک قیلیب، امنیت تامین له نیشی، تورلی بولیملرده اولکه داشلریگه خذمت قیلیش واولرگه آسایش و تینچ یششنی یره تیش اسلام امیرلیگی نینگ اساسی بورجیدن حسابنله دی بو باره ده مسووللر هیچ قنده ی سعی و تلاش نی دریغ ایتمه یدیلر دیدی.
حرمتلی مولوی عبدالسلام حنفی جنابلری اولرنینگ تامانیدن تیلگه آلینگن موردلرگه اشاره قیلیب ایتیشیچه، اسلام امیرلیگی اوزی نینگ قولیده گی بار امکانیت بیلن تیلگه آلینگن موردلرنی اعتبارگه آله دی.#
