افغانستان اسلام امیرلیگی باش وزیری نینگ اقتصادي مسأله‌لر بوییچه اورین‌باسری، محترم ملا عبدالغنی برادر آخند بوگون ازبکستانگه تشریفی چاغیده اوشبو مملکت باش وزیری نینگ اورین‌باسری محترم جمشید خاجه یوف بیلن بولیب اوتگن ایکّینچی قوشمه ییغیلیشده افغانستان و ازبکستان اورته‌سیده‌گی تورلی ساحه‌لرده‌گی همکارلیکنی بحث قیلدی.
باش وزیر نینگ اقتصادي مسأله‌لر بوییچه اورین‌باسری اوز نطقیده افغانستان و ازبکستان خلقلری دیني، تاریخي، مدني و ایتنیک مشترکلیکلرگه ایگه ابکنلیگینی و بو توب عموميلیکلر تاریخ دوامیده ایکّی دولت نینگ سیاسي و اقتصادي مناسبتلریگه ایجابي تاثیر کورسه‌تگنینی تاکیدله‌دی.
محترم ملا برادر آخند اسلام امیرلیگی حکمرانلیگی بیلن ایکّی دولت اورته‌سیده‌گی سودا علاقه‌لری کوندن کونگه آرتیب، مستحکملنیب باره‌یاتگنینی، اونی ینه‌ده رواجلنتیریش اوچون هر ایکّی تامان هم همکارلیک قیلیش ضرورلیگینی قوشیمچه قیلدی.
محترم اقتصادی اورین باسر نینگ کابل و تاشکند شهرلری اورته‌سیده‌گی سودا علاقه‌لرینی رواجلنتیریش بوییچه اورین‌باسریگه ازبکستان مرکزي بانکیدن بانک اوتکزمه‌لری اوچون ضرور قوله‌یلیکلر یره‌تیش، افغانستان بانک سکتوری صلاحیتینی آشیریش، سودا اوپراسیون‌لریده ایکّی دولت ملي ولیوته‌سیدن فایده‌لنیش، ایکّی دولت چبگره‌سیده باجخانه تیزیملرینی تیزکارلیک بیلن اولش، افغانستان سودا-ساتیق بازاریگه عمومي لیتسبنزيه‌لر اوتکزیش اوچون قوله‌یلیکلر یره‌تیش، افغان سودا-ساتیق بازاریگه عمومي رخصت‌نامه‌لرنی تقدیم ایتیش بوییچه موضوعلر اوستیده علحیده گپیریلدی.
ریاست الوزراء نینگ اقتصادي اورین‌باسری ازبکستاندن ۵۰۰ کیلوولت برق اوزه‌تیش لینيه‌سی و افغانستان-ترانس لایحه‌سی نینگ عملي ایشلرینی امکان قدَر تیزراق باشلشنی سوردی و اسلام امیرلیگی بو باره‌ده‌گی هر قنده‌ی همکارلیککه تیار ایکنینی تاکیدله‌دی.
حرمتلی ملا برادر آخند ازبکستان سرمایه‌دارلرینی افغانستان نینگ تورلی ساحه‌لریگه سرمایه کیریتیشگه تکلیف قیلیب، اولر اوچون برچه قوله‌یلیکلر یره‌تیشگه ایشانتیردی.
شوندن سونگ ازبکستان باش وزیری اورین‌باسری جمشید خواجه‌یاو ازبکستان بو باره‌ده هر تامانله‌مه همکارلیک قیلیشیگه ایشانچ بیلدیردی و تاشکند کابل بیلن برچه اقتصادي ساحه‌لرده همکارلیک قیلیشگه تیارلیگینی بیلدیردی.
تأکیدلش جایزکی، هر ایکّی تامان نینگ تخنیکي کمیته‌لری سودا، ترانزیت، کان و صناعتگه سرمایه کیریتیش، افغانستانده تیمیر یول ترماقلرینی قوریش و رواجلنتیریش، بانک همکارلیگی و باشقه بیر قطار اقتصادي ساحه‌لرده فعالیتینی دوام ایتتیره‌دی.#
