افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن سونگ تعلیمات تخنیکی و مسلکی انیستیوت نی بیتیرگن ۱۳۰۰ محصل نینگ فراغت مراسمیده قتنه شیب گپیردی. بو مراسمده ملی مدافعه وزیرلیگی سرپرستی حرمتلی مولوی محمد یعقوب مجاهد، عالی تحصیلات وزیرلیگی سرپرستی حرمتلی شیخ ندا محمد ندیم و باشقه بیر قنچه مسووللر اشتراک ایتگن ایدیلر.
ریاست الوزراء اداری اورین باسری حرمتلی مولوی عبدالسلام حنفی تعلیمات تخنیکی و مسلکی انستیتوتی نینگ رهبرلیک هیاتی اداره سیگه بو شکوهلی و فخرلی محفلنی اوتکزگنی مناسبتی بیلن اوشبو فارغ الحتصیللر، عایله لری، استادلر و تعلیمات تخنیکی و مسلکی انستیوت نی تبریکلب ایتیشیچه، بوگون ۱۳۰۰ کیشی تعلیمات تخنیکی و مسلکی انستیتوت نینگ تورلی بولیملرنی بیتتریب فراغت حجتنی قولگه کیریتیب اداره لر همده خصوصی سکتورنینگ تورلی بولیملریگه ایشگه کیریب عزیز اولکه میزنینگ قوریش و آباد ایتیشگه حصه قوشه دیلر.
فارغ التحصیللرگه خطاب قیلیب گپیرگن ریاست الوزراء اداری اورین باسری حرمتلی مولوی عبدالسلام حنفی، سیزلر ییللب بیلیم، دانس، هنر و حرفه اوچون تلاش قیلدینگیزلر و محنت چیکدینگیزلر بوگون الحمدالله ونینگ ثمره سینی قولگه کیریتدینگیزلر بو بیلن دوستلرینگیز، عایله لرینگیز، استادلرینگیز و تعلیمات تخنکی و مسلکی اداره نینگ فخری بولدینگیزلر.
حرمتلی مولوی عبدالسلام حنفی جنابلری، مملکت ده گی اوچ محکمده گی آزادلیک، مستقللیک، اسلامی حکومت، خوفسیزلیک و برقرارلیک، عبدالت باره سیده اشاره قیلیب ایتیشیچه، بوگون مملکتیمیزده هیچ کیم مقدس قدریتلریمیزگه اهانت قیله آلمه یدی، توی محفللریمیزنی بمبارد ایته آلمه یدی، خلق نینگ ایکین ییرلر تخریب بولمه یدی و کیمسه گه ظلم قیلگن آدم عدالت دن قاقچه آلمه یدی و بو لر برچه سی ایسه کته الهی نعمت دیر دیب ایتدی.
اونینگ فارغ التحصیللرگه خطاب قیلیب ایتیشیچه، بوگون سیزلر امنیت ده درس اوقیدینگیزلر برچه امکانیت لر جمله دن لابراتوارلر و استادلرنینگ معاشی و باشقه مصرفلر ایسه اسلام امیرلیگی تامانیدن تولنیله دی بو هم الهی بیر نعمت حسابنله دی.
شونینگدیک ریاست الوزراء اداری اورین باسری نینگ قوشیمچه قیلیشیچه، ایریم ایشلرده کوتاه لیکلر بولیشی ممکن دیر، لیکن بو کوتاه لیکلرنی بیر- بیراویمیزنینگ همکارلیگیمیز بیلن حل قیلیشیمیز ممکن دیر و اولکه میزنی آباد قیله میز، الحمدالله اسلام امیرلیگی تعلیم و تربیه نینگ برچه باسقیچلر جمله دن باشلنغیچ، اورته، لیسه، تعلیمات تخنیکی و مسلکی و افغانستان عالی تحصیلات سیستمینی کینگه یتیریشگه اولگوره دی و مملکت یوکسک تعلیمی و تربیتی سیستمگه ایگه دیر.
حرمتلی مولوی عبدالسلام حنفی جنابلری نینگ کوپه یتیریشیچه، حاضرگچه ایریم رشته لرده مسلکی آدملر یوق دیر بو کمچیلیک و آزچیلیک نی برطرف ایتیش اوچون تعلیمات و تخنیکی و مسلکی کینگه یتیریلیشی کیره ک تاکه مختصص کیشیلر مملکت ایچکریسیده تربیه بولسه لر و بو ایسه مملکتیمیز و خلقیمیز اوچون ییریک بیر احتیاج دیر.
ریاست الوزراء اداری اورین باسری چیت ایللیکلر ییللر تورلی بهانه لر جمله دن افغانستانده مخدر ماده نی یوق ایتیش اوچون موجود ایدیلر و اونینگ برچه نتیجه لرینی همه میز کوردیک، بو مملکت دن ایریم اولکه لرگه مخدر ماده نی قاچاق ایتیش دن علاوه بیش خاتینلر و باله لر قوشیمچه بیش میلیون انسان مخدر ماده گه بیریلدی و اسلام امیرلیگی حاکمیت گه کیلگدن سونگ مخدر ماده گه بیریلگنلرنی ییغیب اولرنی دوالشنی باشله دی و اولر جمعیت نینگ عادی بیر فعال اعضاسی اوله راق حیاتگه قیته دیلر.
حرمتلی مولوی عبدالسلام حنفی یاشلرگه خطاب قیلیب ایتیشیچه، افغانستان تولیق بیر خصوصی مملکت دیر وسیزلر بیرینچیدن اسلامی عقاید و احکاملر بیلن آشنا بولیشلرینگیز ضرور و ایکینی قدم ده زمانوی علم و معرفت بیلن جهازله نیب عزیز اولکه میزنی آبادانلشتیریش و قوریشگه حصه قوشینگلر.
ریاست الوزراء اداری اورین باسری اوزی نینگ صحبتلری اداغیده یاشلرنینگ چیت ایلگه مهاجرتی باره سیده اشاره قیلیب گپیریشیچه، افغانستاندن مهاجرت قیلیش هیچ بیر پیت حل یول ایمس، چونکه نا قانونی همده قاچاق یوللر بیلن مهاجرت قیله دیگن بیر قنچه وطنداشلریمیز یولده شیرین جانلرینی قولدن بیره دیلر، دریالرده غرق بوله دیلر، تحقیر و اهانت گه روپه ره بوله دیلر و آغیر ایشلرگه بیریله دیلر دیب یاشلردن مملکت ده قالیب اولکه لرینی قیته قوریش و آباد ایتیشگه اولگوریشلرینگیز لازم دیدی.#
