افغانستان اسلام امیرلیگی ریاست الوزراء سیاسی اورین باسری بوگون ننگرهار ولایتی نینگ امرخیل قومی و لوگر ولایتی نینگ محمد آغه اولسواللیگی قوم بویوکلری بیلن ایری ایری اوچره‌شدی.
ننگرهارنینگ امرخیل قوم بویوکلری مملکت ده اسلامی نظام کیلگنی ملت نینگ خوشلیگیگه سبب بولدی دیب کوپه‌یتیریشلریچه، اسلامی نظامنی سقلش حکومت دن علاوه خلق نینگ هم مسوولیتی دیر.
شونینگدیک ننگرهار امرخیل قوم بویوکلری اوز منطقه‌لریده‌گی قیینچیلیک حل بولیش پیشنهادینی ریاست الوزراء سیاسی اورین باسریگه تاپشیردیلر.
عین حالده لوگر ولایتی محمد آغه اولسواللیگی قوم آقسقاللری اولکه‌ده ثبات برقرارلیگی و قوملر اورته‌سیده‌گی بیرلیکنی تیلگه آلیب ایتیشلریچه، اسلامی نظام و تولیق امنیت تامینلنگنی نتیجه‌سیده خلق و حکومت اورته‌سیگه همکارلیک فضا کیلگن.
اوشبو قوم اولوغلری افغان خلقی نظام‌‌دن کیسکین دفاع قیله‌دیلر و اسلامب نظام برقرارلیگی اوچون متعهدلر.
محمد آغه اولسواللیگی قوم اولوغلری اوز منطقه‌لریده یوللر قوریلیشی، برق ییتکزیلیشیدن تشقری زرغون شهرده جامع مسجد قوریلیشینی پیشنهاد قیلدیلر.
ریاست الوزراء سیاسی اورین باسری حرمتلی مولوی عبدالکبیر ننگرهار و لوگر ولایتلری اوشبو قوم بویوکلرینی خوش کیلیب سیزلردیب، اسلام امیرلیگی افغانلرگه یخشی حیات، آسانلیک یره‌تیشده تلاش قیله‌دی دیدی.
حرمتلی سیاسی اورین باسر اوزی‌نینگ سوزلریده اهالی ایستگی اساسیده هر ییل بیر قنچه رواجله‌نیش پروژه‌لر ملی بودجه‌گه کیریتیله‌دی بولرنینگ بیر قنچه‌سی باشلنگن و خلق نینگ قیینچیلیگی استه سیکین ییتیشیله‌دی دیدی.
شونینگدیک ریاست الوزراء سیاسی اورین باسری اسلام امیرلیگی وطنداشلرگه حقلرینی بیریشگه متعهد دیر و هیچ کیم نینگ حقوقی آیاغ آستی بولمه‌دی.
عین حالده حرمتلی مولوی عبدالکبیرنینگ قوشیمچه قیلیشیچه، سونگی قیرق ییل ایچیده خلق اسلامی نظام و مستقللیک اوچون قربانلیک بیردی و اسلام امیرلیگی هیچ بیر پیت خلق قربانلیگینی اونوتمه‌یدی.#
