افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون امام ابوحنیفه (رح) لی و خلق ارا کورگزمه‌سی نینگ یکونی برنامه‌سیده ییغینیده اشتراک قیلیب گپیردی.
اوشبو مراسیمده اسلام امیرلیگی بیر قنچه مسووللری، سرمایه یاتقیزوچیلر، صنعت‌کارلر، تشقی دیپلوماتلر و عامه اهالی اشتراک قیلگن ایدیلر.
حرمتلی مولوی عبدالکبیر امام ابو حنیفه (رح) لی و خلق ارا کورگزمه‌سی نینگ تشکللشتیرگنلر و مسووللرگه منتدارچیلیک قیلیب ایتیشیچه، بونده‌ی اوچره‌شوولر افغان و خارجلیک ایش بیلرمانلر اورته‌سیده اوز ارا تجربه المشیش، سرمایه کیریتیش باره‌سیده موجود امکانیتلر بیلن تنیشتیریشده قول کېله‌دی.
ریاست الوزراء سیاسی اورین باسری اسلام امیرلیگی نینگ مرکزي آسیا بیلن سودا علاقه‌لری یخشی حالتده ایکنلیگینی و ینه‌ده رواجلنتیریش یونه‌لیشیده ایکنلیگینی قوشیمچه قیلدی.
او بعضی دولتلر تامانیدن افغان صادرات تاورلریگه سالیقلر نینگ آشیریلیشینی ناتوغری دبب اته‌دی و اسلام امیرلیگی نینگ افغانستان سوداسی اوچون مقابل یوللری بارلیگینی توشونتیردی.
محترم مولوي عبدالکبیرگه کوره، اسلام امیرلیگی افغانستانده خارجي و افغان تدبیرکارلری و صادراتی اوچون یخشی ایش ا‌ورینلری یره‌تیب بیرگن و افغانستان حکومتی نینگ تشقی سیاستی اقتصادي همکارلیککه قره‌تیلگن.
ریاست الوزراء باش سیاسي اورین‌باسری اسلام امیرلیگی تاجرلرنی دایمي قوللب-قوّتلشنی تأکیدلب، مملکتده سالیقلر درجه‌سی پسه‌یتیریلگنی و بو باره‌ده حلی هم سعی-حرکتلر آلیب باریله‌یاتگنینی ایتدی.
محترم مولوی عبدالکبیر اوز سوزینی دوام ایتتیریب، اسلام امیرلیگی اوز وعده‌لرینی بجرگنینی ایسله‌تیب اوتدی، شونینگدیک، اسرایل اشغال حکومتی نینگ لبنان ن و فلسطین هجوملرینی قاره‌له‌دی.
