افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین فرهنگی و مطبوعاتی فعاللردن بیری حرمتلی محمد سلیم پیگیر بیلن اوچره شدی.
بو اوچره شووده دستلب حرمتلی محمد سلیم پیگیر تولیق امنیت تامینلنگنیدن خرسندلیک قیلیب، مملکت نینگ فرهنگی و اجتماعی وضعیتی باره سیده گپیریب ایتیشییچه: مملکت نینگ یشاووچیلری اوزاق ییللر نابرقرارلیکدن سونگ برقرارلیککه ایریشدیلر و اسلامی نظام چتری آستیده تینچلیک و صمیمت ده تیریکچیلیکلریگه دوام بیره دیلر.
محمد سلیم پیگیرنینگ کوپه یتیریشیچه، افغانستان خلقی کیتمه کیت یوز بیرگن اوروشلرده کته قیینچیلیکلرنی متحمل بولدیلر و حاضر ایسه مملکت آبادانلیگی و اجتماعی آسایشه لیگی اوچون کوپراق تمرکز قیلیشلری کیره ک.
کیینچه لیک ریاست الوزراء اداری اورین باسری حرمتلی مولوی عبدالسلام حنفی بو اوچره شوودن خرسندلیک قیلیب، اهالی حیاتی اوچون مناسب شرایط یره تیش ده اسلام امیرلیگی مسووللری نینگ سعی و تلاشلری توغریسیده گپیردی.
ریاست الوزراء اداری اورین باسری امنیت تامینله نیشی، وطنداشلریمیزگه خذمت کورسه تیش و مملکت قیته قوریلیشی اسلام امیرلیگی نینگ اولویتلریدن سنه له دی و بو توغریده قولده گی امکانیتلردن فایده له نیش ممکن دیر دیب قوشیمچه قیلدی.#
