افغانستان اسلام امیرلیگی ریاست الوزراء اداری اورین باسری حرمتلی مولوی عبدالسلام حنفی بوگون توشدن آلدین اداری اصلاحات و ملکی خدمات اداره سی آرقلی اوتکزیلگن امیرلیک وزیرلیکلری و اداره لرینی ساده‌سازلیک و بیرسانسازلیک حمایه وی پروسه سی آچیلیش محفلیده اشتراک قیلیب نطق سوزله دی.
ارگ نینگ سلام خانه قصریده اوتکزیلگن اوشبو مراسمده بیرینچیدن اداری اصلاحات و ملکی خدمات اداره سی باشلیغی مفتی شهزاد نور راشد صحبت قیلیب ایتیشیچه، اولرنینگ اداره سی اسلام امیرلیکی حاکمیتیدن هنوزگچه ۹۸۳ پروسه نی ساده سازلیک قیلگن، اون مینگ کیشیگه بوتون افغانستان ده قابلیتنی کوتریش بوییچه ورکشاپلر دایر قیلگن و ایرکین رقابت آرقلی اوتیزبیر مینگ ییگرمه بیش کیشینی اداره لرگه استخدام قیلگن.
شونینگدیک اونینگ سوزلریگه کوره، پروسه نی ساده لشتیریش و بیر سان ایتیش دن علاوه الکترونیکی سیناولرنی آلیش اوچون مرکزلرنی ایجاد قیلیش اولویت دیر بو ایسه اداره لر و مراجعینلر ایشی آسانلیگیگه سبب بوله دی.
کیینچه لیک ریاست الوزراء اداری اورین باسری اسلام امیرلیگی ادار امور اداری اصلاحات و ملکی خدمات ریاستی نینگ مسووللریدن مذکور محفلنی اویوشتیرگنلری اوچون تشکرلیک اظهار قیلیب، ساده سازلیک و بیرسانسازلیک پروسه سی همه اداری مرحله لرده قبول ایتیلگن بیر اصل دیر، بو ایش عملگه آشیریلمه گن ده استراتژیک مقصدنی یخشی شکلده تطبیق ایتیش و اقتصادی اوسیشگه ایریشیش نا ممکن دیر.
حرمتلی مولوی عبدالسلام حنفی جنابلری نینگ سوزلریگه کوره، تاسف بیلن ایریم اداره لرده کوپینچه پیچیده و طولانی پروسه لر بار و اولرنینگ ساده سازلیگی اوچون جدی نیازی بار. بخت گه موافق ساده سازلیک ریاستی کوششی بیلن بوندی معمالر اکثر اداره لرگه برطرف ایتیلگن.
تاسف بیلن بیر قنچه اداره لرنینگ تدارکاتی، مالی و اداری بولیملریده هنوز هم طولانی و مغلق مرحله بار و کوپینچه وقتلرده بو مساله ایسه رواجله نیش و توسعه نینگ کندلیگی و ایریم حاللرده ایسه مردم نینگ نارضالیگیگه سبب بوله دی دیدی او.
ریاست الوزراء اداری اورین باسری دیمک مملکت اقتصادینی رواجلنتیریش مقصدیده بودجه نی وقتیده مصرف ایتیش، انکشافی پروژه لرنی عملگه آشیریش، سرمایه یاتقیزیشنی آسانلشتیریش، بروکراسی و قاغذپرانلیکنی یوق ایتیش، خرجت نی کمه یتیریش مراجعین و وطنداشلریمیزگه وقتیده خدمت کورسه تیش اوچون اسلام امیرلیگی اداره امورنینگ ساده سازلیک ریاستی تشریک مساعی بیلن برچه اداره لرگه ساده سازلیک و بیرسانسازلیک عملی بولیشی ایجاب ایتیله دی و شونینگدیک الکترون حکومت دارلیک مهم و فایده لی دیر اسلام امیرلیگی برچه کوچی بیلن مملکت بویلب بونی عملگه آشیره دی.
حرمتلی مولوی عبدالسلام حنفی ساده سازلیک و بیرسان سازلیک برنامه سینی هر قنچه یخشی عملگه آشیریش اوچون امیرلیک برچه اداره لری مسووللری نینگ هر تامانلمه همکارلیکلریگه ضرورت بار و اسلام امیرلیگی نینگ همه بویوکلری بو پروسه نی بوتونله‌ی حمایت قیله دیلر و برچه اداره لرده بو پروسه عملگه آشیریلیشی اوچون کوشش ایتیلیشی و ایشلر بجریلیشی اوچون آسانلیک یره تیلیشی لازم دیب قوشیمه قیلدی.
حرمتلی مولوی عبدالسلام حنفی امیرلیک نینگ برچه مسووللریدن وظیفه نی بجریش و خذمت قیلیش بولیمده وقت گه جدی اعتبار قره تیب اداره لرده قاغذ پرانلیک نی بوتونله ی یوق ایتیش یولیده هر تامانلمه همکارلیک قیلیشلری کیره ک لیگینی تلیگه آلدی.
عین حالده افغانستان اسلام امیرلیگی ریاست الوزراء مقامی عمومی دفتری باشلیغی حرمتلی داکتر ملا عبدالواسع میراث قالگن اداری قیینچیلیک باره سیده اشاره قیلیب ایتیشیچه، اداره لرگه آسانلیک یره تیش مسووللر گه اولویت دیر.
حرمتلی داکتر ملا عبدالواسع نینگ قوشیمچه قیلیشیچه، پروسه نی ساده لشتیریش خلق نینگ رضایتیگه سبب بوله دی شو ییریک مقصد اسلامی نظام همده اسلامی شریعت نینگ امری دیر.
شونینگدیک اوشبو مراسمیده تشقی ایشلر وزیرلیگی نینگ مالی و اداری معینی حرمتلی داکتر محم نعیم وردیک مذکور پروسه باشلنگنینی تقدیرلب، قانونلر همده اصول دن مردم خبردار بولیشی اوچون عامه خبردارلیک پروگراملرینی کوپه یتیریش و هر بیر اداره ده مراجعینلرنی رهمنالیک قیلوچیلر موجودلیگینی تاکیدله دی.
یکونده عالی تحصیلات وزیرلیگی نینگ مالی و اداری معینی مولوی حافظ محمد حامد حسیب، تعلیمات تخنیکی و مسلکی اداره مالی واداری اورین باسری مفتی فضل الرحمن فاضل، اداره امور عمومی ریاستی نینگ امارت انسجام ایشلری اورین باسری مولوی سیف الدین تایب اوزلری نینگ صحبتلریده ساده سازلیک و بیر سانسازلیک پروسه سی توغریسیده اوز چاره تدبیرلرینی شرحلب ایتیشلریچه، ساده سازلیک همده بیرسانسازلیک پروسه سی اداره لر و مراجعینلرنینگ رضایتیگه مثبت تاثیر قالدیره دی.#
