افغانستان اسلام امیرلیگی ریاست الوزراء سیاسي اورین باسری حرمتلی مولوی عبدالکبیر ایرانگه رسمي تشریفی چاغیده تهرانده افغانستان ایلچیسی مولوی فضل محمد حقّاني، افغان دیپلوماتلری و اَیریم افغان تجارلری بیلن اوچرهشیب ملاقات قیلیشدی.
تهراندهگی افغانستان ایلچیخانهسیده بولیب اوتگن اوشبو اوچرهشووده اسلام امیرلیگی نینگ قوشنی دولتلر و دنیا بیلن سیاسي و اقتصادي علاقهلرینی رواجله نیشی خصوصیده آلیب باریلگن صحبتلردن علاوه، سونگگی پیتلرده ایریشیلگن یوتوقلر و ایرانده یشه یاتگن افغانلر تاجرلری قیین چیلیکلری اوستیده هم بحث بولیب فکر المشتیریلدی.
دستلب افغانستان ایلچیسی مولوی فضل محمد حقّاني میزبان دولت رسمیلری و مسووللری بیلن یخشی مناسبتلرگه ایگه ایکنلیگینی و اسلام امیرلیگی سیاستی نقطهی نظریدن ایران جمهوریتی بیلن تورلی ساحهلرده علاقهلرنی کینگهیتیریشگه حرکت قیلهیاتگنینی ایتدی.
کیینراق داکتر شمس الحق شمس و حاجی محمد ایوب حسینی لر اسلام امیرلیگی نینگ اقتصادي سیاستینی یوقاری بهالب، اسلام امیرلیگی نینگ قوشنیلری و باشقه بعضی دولتلر بیلن یخشی اوز ارا همکارلیگی و علاقهلری تجاری آلدی ساتدی نینگ اوسیشیگه آلیب کیلگنینی تأکیدلهدیلر. اولر افغانستانده مطمن امنیت و شریعت اساسیدهگی اقتصادي سیاستنی سرمایه و تجارت نی جلب قیلیش اوچون قیمتلی دیب اوزلری نینگ تورلی بولیملرده گی قیینچیلیک، ایستک و پیشنهادلرینی شریک قیلدیلر.
ریاست الوزراء سیاسي اورین باسری مولوی عبدالکبیر اولرنینگ صحبتلرینی تینگلهگندن سونگ، اسلام امیرلیگی بوتون دنیا، اینیقسه اسلام دولتلری بیلن ایجابي علاقهلری بولیشینی ایستشینی ایتدی و شونینگ اوچون حاضر اسلام امیرلیگی نینگ بیر قطار مملکت لرده ایلچیخانه سی سیاسی نماینده لیگی فعال دیر.
حرمتلی مولوی عبدالکبیر اسلام امیرلیگی غلبه قازانگنیدن سونگ افغانستان نینگ آیاققه توریشی افغانستان حکومتی اوچون استوار وظیفه بولیب، افغانلر نینگ ایچکی و خارجدهگی معمالریگه ییچیم تاپیشگه حرکت قیلینهیاتگنینی قوشیمچه قیلدی.
ریاست الوزراء سیاسی اورین باسری اسلام امیرلیگی مسوولیتلی و جماعه نینگ متنی چیقق تیزیم صفتیده اوز ایشلرینی خلق طلبلری، اقتصادي و باشقه تیگیشلی ساحهلرده ایسه تجارلر و خلقلر نینگ پیشنهادیدن کیلیب چیقیب آلیب باریشینی توشونتیردی.
شونینگدیک، افغانستان ایشانچلی خوفسیزلیککه ایگه بولگن باشقه وقتلرگه قرهگنده تجارت و سرمایه اوچون قولهیراق، شو نینگ اوچون مین سیزلردن و برچه افغان ایش بیلرمانلریدن مملکتینگیزگه سرمایه کیریتیشینگیزنی سورهیمن.
محترم مولوی عبدالکبیرگه کوره، سیاسي جهتدن اسلام امیرلیگی حاضرده خلق ارا و منطقوي درجهده مناسب اورین ایگه و یقین کیلهجکده اسلام امیرلیگی نینگ باشقه اَیریم دولتلر بیلن رسمي سیاسي علاقهلری باشلنهدی.
ملاقات یکونیده ریاست الوزراء سیاسی اورین باسری مولوی عبدالکبیر افغانستان ایلچیسی مولوی فضل محمد حقّانيگه ایراندهگی افغان تجارلری و قاچقینلری نینگ معمالرینی حل قیلیش اوچون بیر قطار توصیهلر بیردی.#