افغانستان اسلام امیرلیگی ریاست الوزراء سیاسی اورین باسری حرمتلی مولوی عبدالکبیر بوگون افغان خلق ارا اسلامی بیلیم یورتی نینگ دوکتورا دوره‌سی بیر قنچه محصللری بیلن اوچره‌شدی.
اوشبو محصللر مملکتده دوکتورا سویه‌سیده تحصیل آلیشنی مهم قدم دیب کوپه‌یتیریشلریچه، باشقه بیلیم یورتلریده هم دوکتورا دوره‌سی باشله‌‌نیشینی ایسته‌دیلر.
اوشبو محصللر تحصیلات و تحقیقات‌ده‌گی موجود آسانلیکلردن منتدارچیلیک قیلیب و ایریم بولیملره اوزلری‌نینگ پیشنهادلرینی ریاست الوزراء حرمتلی سیاسی اورین باسری بیلن شریک قیلدیلر.
حرمتلی مولوی عبدالکبیر اوشبو محصللر بیلن کوریشگنیدن خوشلیک بیلدیریب ایتیشیچه، افغان جمعیتی نینگ یخشی قابلیتی بار و اسلام امیرلیگی یاشلر و کادرلرنی یخشی تربیه‌لشده بوتونله‌ی متعهد.
حرمتلی سیاسی اورین باسرنینگ کوپه‌یتیریشیچه، اسلامی نظام حاکمیتی مملکت کیله‌جگی اوچون ایزگو بیر باشله‌نیش دیر و موجود تینچلیک و برقرارلیکدن افغانستان ابادانلیگی اوچون یخشی فایده‌له‌نیش کیره‌ک.
حرمتلی مولوی عبدالکبیرنینگ قوشیمچه قیلیشیچه، ایریم بولیملرده‌گی رواجله‌نیشلردن تشقری سیاسی بولیمده هم سیزلرلی آلغه سیلجیشلر بار و یقین کیله‌جکده باشقه بیر قنچه اولکه‌لر بیلن هم سیاسی مناسبت باشلنه‌دی و بوندن کېین دنیا هم اسلام امیرلیگی حاکمیتینی انگله‌گن حالده اوز فکر و ملاحظه‌لریگه اوزگریش آلیب کیلگن.
حرمتلی مولوی عبدالکبیر اسلام امیرلیگی موجود قیینچیلیکلرگه اسلامي اصوللر اساسیده بیر خیل ییچیم ایزله‌یاتگنینی قوشیمچه قیلدی. او، افغان خلق ارا اسلامی بیلیم یورتی دوکتورا دوره‌سی محصللریگه یوقاریده‌گی پیشنهادلریگه توجه قیلینه‌دی دیب اطمینان بیردی.#
